O noso compañeiro, X.M. Lobato, profe de matemáticas, escribiu un artigo para o diario Galicia Hoxe, publicado na sección Lucerna da Portela, baixo o título Senlleiro ollo de vidro .
Fala da manifestación do domingo pasado, de cómo el a esculcou co seu ollo, que non é de vidro. Fala do noso Castelao e fainos reflexionar.
Pedímoslle permiso para colgalo na nosa revista e que así o poidades ler máis facilmente.
O Equipo de Normalización e Dinamización Lingüística do IES “Félix Muriel” de Rianxo, tras ter recibido información indicando de que ata o vindeiro ano non van ser convocadas axudas para as actividades dos equipos, envía unha carta ao conselleiro de Educación, transmitindo as súas inquietudes a este respecto.
Que son, ou mellor dito, que é a Worldskills? Este substantivo composto tradúcese como “habilidades” ou “destrezas” do “mundo”. De feito, esta é unha organización internacional que busca xente nova para competir naquilo que están estudando ou que se lles dá moi ben. Co fin de conseguilo, organiza competencias tanto a nivel nacional como mundial.
Os días 20 a 24 de abril deste ano tivo lugar a trinta e dúas edición das Olimpíadas de Formación Profesional en Madrid, promovidas pola Worldskills. O Ministerio de Educación, en colaboración coas CCAA, tamén impulsou a entrada de España en Worldskills e organizou este evento nacional.
As especialidades de competición son moi variadas: mecatrónica, carrocería, deseño web, instalacións eléctricas, control industrial, ebanistería, carpintería, perruquería, estética, tecnoloxía da moda, cociña, servizos de restaurante e bar, pintura de automóbil, soporte de rede, fontanería-calefactor, vehículos industriais, confección e moda e coidados auxiliares de enfermería.
Foron dezaoito os participantes galegos que competiron en trece das actividades. Os resultados foron espectaculares, pois gañaron medallas en seis destas materias:
-OURO: Sabela Garrido Comesaña (IES de Teis, Vigo)/PERRUQUERÍA.
Alba Pardo Fernández e Mª del Carmen Aldereguía Prado (IES Marqués de Suazes)/VEHÍCULOS INDUSTRIAIS.
Irene Márquez Fernández (IES Paseo da Pontes, A Coruña)/TECNOLOXÍA DA MODA.
-PRATA: Sara Suevia Barral Naviera (IES Paseo das Pontes, A Coruña)/TECNOLOXÍA DA MODA.
-BRONCE: Carlos Serramito Calvo (IES San Clemente, Santiago)/DESEÑO WEB.
Sandra Rey Novo (IES Paseo das Pontes, A Coruña)/ TECNOLOXÍA
DA MODA.
Os galegos que conseguiron as medallas de ouro, xunto co resto de españois que resultaron gañadores noutras disciplinas, forman o equipo Spainkills. Este grupo representou a España na competición internacional que tivo lugar en Calgary (Canadá) durante a semana do 1 do pasado mes de setembro. Dita competición conta con cincuenta e dous países asociados. Aínda así, os resultados acadados polos nosos compatriotas tampouco estiveron nada mal: Sabela Garrido quedou no posto dezaseis na modalidade de perruquería e Irene Márquez, pola súa banda, situouse no posto número doce na rama de Tecnoloxía da Moda.
Os nosos compañeiros non estaban sós, pois, ademais doutras moitas persoas, o ministro de Educación, Ángel Gabilondo, visitou o campionato interesándose polos participantes e expertos da nosa comunidade.
Os subcampións da competición española, pola súa parte, formarán o equipo representativo da península na competición europea que terá lugar en Lisboa (Portugal) no 2010.
Amais destes campionatos, en España celebrouse tamén a Mostra de Formación Profesional, onde Galiza participou con postos na modalidade de Actividades Marítimas e Pesqueiras, e no institucional da Consellería de Educación e Ordenación Universal.
Dende aquí dámoslles moitos ánimos aos nosos Spainkills e parabéns por chegar a onde chegaron.
Un ano máis abrimos as portas do noso seminario, acendemos os ordenadores, collemos papel e lapis e comezamos a actividade no Equipo de Normalización Lingüística do noso I.E.S. rianxeiro.
Despois dun verán relaxante para os que aprobamos todo e, á vez, cheo de strés para aqueles que suspenderon e son víctimas da Gripe A, da crise e da resaca da Guadalupe, aquí volvemos con máis ganas que nunca de preparar artigos, entrevistas, proxectos…, rematar traballos comezados o ano pasado e elaborar campañas como a do Día das Letras Galegas, dedicado este ano a Uxío Novoneyra.
Co inicio dun novo curso, despois dunhas xornadas de adaptación, é o momento para volver a estar con todos desde a sección: NO MEU MAR NA MIÑA LINGUA.
Comezamos cunha boa nova. Pois a tecnoloxía é o alicerce dun proxecto do Museo do Mar, para recuperar o noso patrimonio marítimo.
O proxecto consiste en dixitalizar as embarcacións tradicionais galegas en tres dimensións, estamos ante unha actuación pioneira en España, con obxectivos moi ambiciosos e favorables para o mellor coñecemento da nosa rica historia mariñeira.
O futuro Arquivo Virtual de Embarcacións Tradicionais (AVET), pretende entre outros os seguintes obxectivos.
Catalogación das embarcacións tradicionais, a gran maioría no esquecemento.
Achegar documentación sobre estas xoias do noso litoral.
Realizar un traballo de divulgación.
Unha dorna polbeira e unha gamela de Cabo de Cruz, son as dúas primeiras embarcacións obxecto do estudo. Desde a nosa sección imos seguir con entusiasmo este proxecto e os seus ambiciosos resultados. Para todos aqueles que desexen unha información máis completa, poden visitar a páxina www.avet.com
Coma tódolos anos, no ENDL do IES Félix Muriel temos un programa moi amplo. Deixámosvos un guión con algunhas das actividades principias que temos na programación deste curso do ENDL para que vos animedes a participar. Recordade vir anotarvos polo local do ENDL.
REVISTA E BLOG
-
O pasado 30 de abril estivo no noso IES Yolanda Castaño. Antes da súa charla co alumnado, dúas alumnas entrevistaron á escritora facéndolle unha serie de preguntas nas que a poetisa manifesta o seu punto de vista sobre diferentes e variados aspectos da súa traxectoria profesional.
rogamos que vos poñades en contacto connosco para retirala de inmediato.