Imaxe de cabeceira

fatima premioFátima Ordóñez e Laura Conde, alumnas que estudaron 2º de Bacharelato este ano no IES Félix Muriel , estiveron todo o curso traballando na campaña “Normalizando desde a antroponimia” que se desenvolveu dentro do Proxecto do Equipo de normalización de dinamización da lingua galega, titulado “Aspiramos a ser simplemente un paraíso lingüístico”.

A investigación realizada sobre os apelidos de Rianxo presentárona ao I Premio de investigación lingüística e etnográfica sobre lingua e culturas galegas Marcosende e GAÑARON! Onte, 21 de xuño, procedeuse á entrega de premios na Reitoría da Universidade de Vigo a onde acudiu Fátima para recibir da man de Henrique Costas, promotor do Premio, un diploma e mais unha tableta que correspondía ao 1º premio. Parabéns!

Na web da Universidade de Vigo dáse conta da noticia.

Todo o traballo feito dentro desta campaña podedes velo na web RianxoFala, sección Antroponimia.

Acabamos de colgar na páxina “Rianxo fala” o programa número 8, último deste curso, emitido o pasado 16 de xuño.

p8

 

Un grupo de alumnas de 2º de bacharelato elaboraron un vídeo para ensinar a facer filloas. Foi alá no entroido, pero como o curso se lles veu enriba, non deron rematado a edición ata hai pouco, cando lle axudaron dous compañeiros. O caso é que as filloas están boas en calquera época do ano, así que non deixedes de velo.

Por Iria Vidal F.

             As lendas e os mitos sempre son uns temas dignos de investigar. Se falamos das lendas de terror, un dos  personaxes que nos vén á cabeza é a típica muller de nariz enorme adornado cunha gran verruga: a bruxa, unha persoa capaz de facer todo tipo de feitizos malignos.  Pero, non oímos tamén falar da “feiticeira”? Polo xeral, esta palabra é utilizada coma sinónimo de bruxa.  Isto, realmente, non é correcto! Se investigamos un pouco, darémonos conta das moitas diferenzas entre  ambas figuras mitolóxicas. Agora, cales son estas diferenzas?

sillaNon me decato do mundo que me rodea até que me paro a escoitar. Oir é fácil, o difícil é escoitar. Entón decátome de que a xente non estuda castelán, estudia castellano, non come puré de cenoria, senón de zanahoria, non se senta na cadeira, séntase na silla. Dá a impresión de que xa non hai ninguén (ou como diría moita xente “nadie”) que coma cenorias, estude e sente na cadeira. Actividades tan básicas e rutineiras que aparentemente non cambiaron, mais non é o mesmo sentar na cadeira que na silla. Na teoría un galegofalante senta nunha cadeira e un castelanfalante séntase nunha silla. Na práctica moitos galegofalantes abandonaron as cadeiras e agora sentan nas sillas. E non estou falando dos galegofalantes que se cambian ó castelán, senón dos que seguen falando galego, pero sentan nunha silla.

Desenvolvemos durante este curso varias actividades  referentes ao mundo da lusofonía. As celebracións máis destacadas, centráronse no aniversario do 25 de abril, o 6 de maio, Día da Lingua Portuguesa cun recital de poemas de escritores e escritoras de tódolos tempos recitados polo alumnado que cursa esta lingua e por profesorado que manifestamente expresa nun acto […]

18489832_654247008114540_3977633774812680787_o (1) 18527084_654246824781225_617558676726156685_o 18527498_654246834781224_2842023861591835397_o (1) 18556879_654247281447846_5277187889385308274_o 18451469_654246838114557_3838411866693534771_oUn grupo de alumnos do noso I.E.S foi gañador do 1ºpremio STARgal Avanzado que organizaba o IES A Cachada co gallo das Letras Galegas e co que gañaron un robot Scornabot.

Londres2

Por Laura Fandiño Doval e Iria Victoria Vidal Figueira.

O mércores pasado, día 7 de xuño,  recibimos no IES  o alumnado do Colexio español en Londres, o Cañada Blanch. Neste centro o alumnado pode cursar a materia de lingua galega e foi o alumnado de secundaria que estuda a nosa lingua o que se achegou ao noso centro para pasar unha xornada de convivencia connosco dentro dos catro días que pasaban en Galicia.

1680 Artigos | 1  | 2  | 3  | 4  | 5  | 6  |   | 210  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.