O pasado mes  de febreiro, veu Xosé Manuel Iglesias ao noso centro para falarmos dos Xenerais da Ulla, contounos todo acerca da tradición do entroido na comarca da Ulla, de como se celebra a festa e como son os traxes típicos que locen os Xenerais nestes días.

Laura Losada e María  Domínguez, 3º ESO

Hai xa uns días tivemos unha charla da escritora Elena Villar Janeiro sobre Rosalía de Castro con motivo da celebración do aniversario do seu nacemento, o 24 de febreiro de 1837.

A conferenciante contounos retallos interesantes da vida e obra de Rosalía. Deimámosvos aquí o resumo e mais o vídeo da conferencia.

Velaquí o número 13 de Ollos de aula, a revista que edita a CGENDL para as familias do alumnado. Artigos interesantes sobre o papel que deben asumir nais e pais na adquisión dos hábitos lectores dos seus fillos e fillas; e sobre a importancia do almorzo para o desenvolvemento dos nenos e nenas e para o seu rendemento escolar. Ademais, coma sempre doutras propostas interesantes. Non esquezades ler a contraportada que convida a gozar da primavera e o sol vestindo con autoestima, elegancia e estilo a mellor das nosas roupas, a lingua e a cultura galegas.

Bernal Muíños O pasado mércores día 12 de marzo, recibimos no instituto a visita do escritor dolibro “Y para qué ( ) sirve un libro!?”, Alfredo Gómez Cerdá (Madrid, 1951). Esta obra é un conxunto de doce relatos que nos contan as situacións máis raras e inesperadas que poden acontecer na vida cotiá, vivencias que […]

O terceiro dos grandes xéneros da Lírica galego- portuguesa, componse polas 430 cantigas de escarnio e maldizer, que teñen un carácter moi homoxéneo, non teñen cabida nas cantigas de amor ou de amigo e, polo tanto, engadíronse directamente neste xénero.

A principal diferenza entre as cantigas de  escarnio e as de maldizer (ambas utilizadas para burlarse de individuos e costumes) é que as cantigas de maldizer fano de forma directa e obscena, mentres que as cantigas de escarnio utilizan xogos de palabras, dobres significados e palabras encubertas (Equivocatio). Semella moi fácil clasificalas sabendo isto, mais non é así… Xa que descoñecemos moitos dos termos utilizados nesas cantigas e necesitamos saber se naquela época termos que a nós poden parecernos obsecenos ou non, tiñan para eles o mesmo significado.  Na época destas composicións, as cantigas eran interpretadas diante dun público, ver esas interpretacións axudaríanos moito a coñecer o que querían transmitir realmente esas cantigas.

Carlos Piña (1º Bacharelato-A)

AS CANTIGAS AMOROSAS

Para atopar o orixe das cantigas de Amor, é necesario ollar previamente a evolución das cantigas de Amigo, coa fin de demostrar así que proveñen destas últimas e que os prexuízos culturais entre ambos tipos de composicións non teñen sentido. Se queremos conseguir isto debemos primeiro coñecer a orixe da cantiga de Amigo, dela sabemos que é común a un mesmo tipo de cantigas común a diversos pobos cunha voz feminina coma protagonista, a cal xa se desenvolvera previamente na Península Ibérica coma kharxas e que en certo modo puideron influenciar ás cantigas galego-portuguesas, xa que tratan a mesma temática e comparten algunhas características. Outro dato importante é que tanto as cantigas de Amigo coma as cantigas trobadorescas provenzais foron desenvoltas aproximadamente no mesmo tempo, pero en espazos diferentes, mais a popularización do Camiño de Santiago fixo chegar a Galiza influencias culturais doutros pobos, entre as cales destaca o lirismo provenzal, provocando así un choque entre ambas literaturas xa desenvoltas dando lugar a unha lírica galego-portuguesa que incorporaba un novo protagonista masculino típico da cançó provenzal, primeiro dialogando co eu feminino tradicional e finalmente adquirindo todo o protagonismo da cantiga, dando lugar ó que foi coñecido coma cantiga de Amor.

Claudia Rodríguez  (1ºBacharelato-B)

Deberíamos denominar ás Cantigas de Escarnio e Maldicir como Cantigas de Burlas?

Estas composicións considérase que están formadas por todo aquilo que non se atopa nas Cantigas de Amigo e Amor e nisto entrarían os textos de temática moral e política, as sátiras políticas, as maledicencias persoais, os prantos ou as parodias.

Non son máis que composicións satíricas e burlescas nas que os trobadores criticaban a sociedade e costumes da época. A diferenza entre as de Escarnio e Maldicir é que as primeiras empregan máis os dobres sentidos e palabras encubertas e as outras son moito máis directas; son estas as máis frecuentes para nós.

A interpretación destas cantigas

… como este de Carla Vidal. O Entroido tradicional galego

Ou estes outros de…