1952

 HEIN d´ir o Pía Páxaro i a Boca do Faro

deitarme na Campa da Lucenza nun claro.

Hein d´ir á Devesa da Rogueira i a Donís

ó Rebolo á Pinza i ó Chao dos Carrís.

Hein d´ir a Lousada i a Pacios do Señor

a Santalla a Veiga de Forcas i a Fonlor.

Hein d´ir ó Cebreiro pasar por Liñares

rubir ó Iribio a Cervantes i a Ancares

Hein d´ir a Cido i a Castro de Brío

baixar i andar pola aurela do río.

Hein d´ir a Céramo cruzal´o Faro i entón

debrocar pra baixo cara Oéncia e León

Hein d´ir a Vales i a Pena de Airexa

i a un eido solo onde ninguén me vexa.

CUMES mouros das aigas!

Montes do sol i a auga!

Serras!

Terras solas ó sol i as nebras!

O sol baixa

de cara como un pai á frol da braña…

(….)

Diante e tras dil a serra longa…