Parece ser que un dos obxetivos do novo goberno é que os estudantes poidan escoller indistintamente entre o castelán e o galego para dirixirse ós profesores e facer exames, coas excepcións de Lingua castelá e Lingua Galega.

Como cabía de esperar esta decisión non pasou inadvertida, xa que non respeta o Plan Xeral de Normalización Lingüística aprobado por unanimidade no Parlamento no ano 2004 como sinalou a Coordinadora Galega de Equipos de Normalización e Dinamización Lingüística, que pretendía que o alumnado reciba, polo menos o 50% das clases en lingua galega para contribuír á normalización da mesma.

Esta decisión de permitir a eleción do idioma nas clases xerou desconcerto entre profesores, directores de centros e pais de alumnos , que critican que se queira "eliminar dun plumazo" o decreto da ensinanza sen consultar antes coa comunidade educativa.

Nos medios de comunicación aparecen opinións dos representantes das ANPAS, dos sindicatos de profesorado, dos ENDL e todos coinciden en que os alumnos e alumnas deben terminar a educación obrigatoria dominando os dous idiomas oficiais polo que non se pode deixar que os estudantes elixan a lingua que queren usar. Para moitos esta decisión do goberno colocaría a lingua galega nunha situación desfavorecedora, mesmo sería unha sentencia de morte para o noso idioma.
Aínda que pareza mentira non todos están en contra desta decisión xa que por exemplo as ANPAs dos colexios católicos concertados aplaudiron esta iniciativa porque para eles "permite acabar co modelo totalitario e de imposición " que existía ata o de agora que o consideran de pouco democrático, e para o grupo Galicia Bilingüe isto só é un primeiro paso para o libre uso do idioma nas aulas.

Polo ben do galego esperemos que esta proposta do novo goberno non triunfe xa que non me gustaría ver como o castelán vai matando pouco a pouco ó noso idioma.