Imaxe de cabeceira

Chéganos a última entrevista das Xornalistas do Muriel (Esta é unha actividade desenvolvida por Claudia GR, Sara TB e Sonia MI), nesta ocasión achegáronse ao concello de Catoira para falar moito e de vagar co que xa leva seis anos sendo veciño noso, o artista Roi Casal.

O noso alumnado participante.

O noso alumnado participante.

Xunto co resto de participantes.

Xunto co resto de participantes.

Mans á obra.

Mans á obra.

A semana pasada  Sabela Loureiro, colaboradora de Radio RianxoFala,  entrevistou a dous alumnos de 4º ESO, Uxía González Patiño e Hugo Eguiluz Gñómez, que participaron no Programa de Recuperación e Utilización Educativa de Pobos Abandonados do Ministerio de Educación e FP.

Durante unha semana conviviron en Granadilla (Cáceres) con outros tantos mozos e mozas dun instituto murciano. Aprenderon oficios, participaron en diversos obradoiros e actividades lúdicas conxuntas, ademais realizaron un proxecto de centro titulado “Give me my town back”  ideado polas profesoras de Tecnoloxía e Inglés que os acompañaron (Pilar Pérez e Rosa Súarez).

anagrama RadioRianxo

Deixámosvos o audio da entrevista, na que tamén contamos coa colaboración de Alejandro, como locutor, e de Abel Rodríguez, na parte técnica.

Xa temos entre nós o premio da sección Documental, na categoría 2º ciclo de ESO no eMove Festival (Festival Escolar y Universitario de las Artes Audiovisuales).

Esta actividade foi levada a cabo dentro do proxecto Monte vivo por alumnado de 4º de ESO e coordinado pola profesora Sofía Rama.

Emove documental

Captura de Pantalla 2022-11-14 a las 1.39.26

Os alumnos, vítimas ou verdugos?

DANI VIDAL (1º de bacharelato)

O pasado 2 de outubro abríanse todos os informativos e todas as portadas dos xornais falaban do escándalo do colexio maior Elías Ahuja. Este alboroto xurdiu pola difusión dun vídeo onde se ve que no edificio onde residen os alumnos se empezan a escoitar gritos machistas dirixidos ás compañeiras do outro edificio, xa que están organizados por sexos. O que non se viu en ningún medio de comunicación é como as compañeiras lles respondían con berros discriminatorios.

Para empezar falaremos da repercusión que tivo a nivel político. O presidente do goberno, Pedro Sánchez, tachou esta clase de comportamentos, xa que xeran odio e atentan contra o dereito e a liberdade das mulleres. A ministra de igualdade, Irene Montero, explicou que isto ten que ver en gran medida coa cultura da violación, considerando os feitos terror sexual. Respondeu tamén que a intimidación é o medio para que as mulleres non teñan marxe para decidir e que isto se trata con educación sexual. Porén, cando unha persoa lle preguntou pola segunda parte do vídeo, onde as mulleres lles responden, ela evita as preguntas e intenta irse o máis rápido posible, esquivando o tema.

Se seguimos analizando, isto nunca se faría tan visible de non ser polas redes sociais. Esta información volveuse viral tras saír en TikTok, o medio por onde foi compartido por primeira vez. Se nos paramos a pensar e intentamos trasladar esta noticia ao pasado, antes esta noticia non faría saltar as alarmas, pero ao mesmo tempo esta noticia non se coñecería directamente xa que non existían estas redes sociais. Ao mesmo tempo que vemos como cambiou o mundo e os medios de comunicación, podemos ver como os informativos nos manipulan. O vídeo que mostraron en todos os medios de comunicación estaba recortado, impedindo mirar o final e que a gran maioría dos españois escoitaran a resposta das alumnas. Isto leva a pensar na fiabilidade que os informativos teñen. Se nos enganan con isto, por que non nos enganan con todo, chegando a reflexionar sobre a fiabilidade das noticias? A min paréceme que as redes sociais son a forma máis útil, rápida e eficaz de buscar a información, xa que só temos que mirar se a fonte conta con certo prestixio.

Teatro Airiños estrea o espectáculo República Sideral esta fin de semana en  Rianxo – O BarbanzaQue curioso ver como a día de hoxe sabemos tan pouco sobre o pasado da nosa terra, e o pouco interese que hai por coñecelo. É verdade que algo de preguiza dá ler un
libro de catrocentas páxinas ou perder unha tarde enteira nunha charla, pero asistir o teatro?

O único esforzo que hai que facer é prestar un mínimo de atención.

No auditorio de Rianxo leváronse a cabo unha serie de sesións teatrais, postas en escena pola compañía Airiños, unha das máis antigas de Galicia xa que naceu en 1933 en Asados, da man dos curmáns de Castelao. Así mesmo o venres vinte e tres de setembro e o sábado vinte e catro, representouse a obra República Sideral de Esther F.Carrodeguas, unha rianxeira moi exitosa. Hai que admitir que o nome do espectáculo  non me chamou para nada a atención, pero levei unha grata sorpresa coa representación.

O pasado 30 de setembro ás 22:22 o grupo Recambios Tucho deu un concerto no Chiringuito das cunchas, en Leiro. Esta é unha banda de rock que canta en galego e que está formada por Suso Pereiro, David Fama, Manu Rey, Antonio Novo e Antón Paz; os tres últimos coñecidos tamén por tocar nos Herdeiros da Crus.

O evento, ao cal asistiron arredor de trinta persoas, comezou con media hora de demora, mais na miña opinión a espera valeu a pena, xa que despois puidemos desfrutar de balde de unha hora e media de música en directo na nosa lingua, cousa que non acontece todos os días. O ambiente alí era bo, facía un tempo agradable e a xente víase moi animada bailando e cantando co grupo, que ten temas que todos coñecemos, como pode ser vou chupi juai.

2280 Artigos |   | 1  | 2  | 3  | 4  | 5  | 6  | 7  | 8  | 9  | 10  |   | 285  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.