No Ies Félix Muriel quixemos celebrar o Día Europeo das Autoras e Autores homenaxeando o escritor rianxeiro que lle dá nome ao noso centro, Rafael Dieste. Para iso, este pasado luns, xuntáronse 83 alumnas e alumnos para ler en conexión retransmitida en directo o seu libro de contos ‘Dos arquivos do trasno’. Deixámosvos aquí o primeiro dos dous vídeos onde podes ver e escoitar a lectura completa da obra. Felices lecturas! #ReadWithEurope
O luns 13 de marzo o alumnado de portugués de 1º de bacharelato (Helena Figueira, Clara Novo, Bernardo Gontán, Rodrigo Marques e Paula Magán) tivo a oportunidade de entrevistar a Guilherme, Lucas e João, alumnos de Erasmus + de Agrupamento Sá de Miranda, de Braga, que estaban realizando as prácticas do seu Ciclo en Vilagarcía.
Convidámosvos a escoitar a súa entrevista:
Neste mes gravamos o noso terceiro programa de recitado de poemas. Contamos nesta ocasión con Lucas Fungueiriño, Carla Vicente e Ainara Pérez de 3º de ESO que recitaron:
- “Contra o amor”, de Lucas Fungueiriño
- “O lume vital” de Claudio Rodríguez
- ”Ábrelle a porta ao día” do gran poeta Darío Xohán Cabana
Durante a gravación contamos coa inestimable colaboración de Alejandro Ordóñez de 1º ESO, como locutor, e de Ricardo Vidal de 1º ESO, como técnico de son.
Animámosvos a escoitar o audio:
No mes de marzo gravamos o noso segundo programa de recitado de poemas. Contamos nesta ocasión con Sara Rial e Ainoa Reboiras de 3º de ESO que recitaron:
- “Cando te vexo”, de Sara Rial
- “A árbore da vida” de Ainoa Reboiras
Durante a gravación contamos coa inestimable colaboración de Alejandro Ordóñez de 1º ESO, como locutor.
Animámosvos a escoitar o audio:
No mes de febreiro iniciamos unha nova andaina coa gravación de recitados de poemas. No noso primeiro programa tivemos a sorte de contar con Tahira Varela, Cristian Galbán e Rodrigo Iglesias de 3º ESO que recitaron os seguintes poemas:
- “Como esquecerte”, de Tahira Varela
- “Branca coma a auga” de Claudio Rodríguez
- ” Meniña, rapaza nova” do gran poeta Eduardo Pondal.
Durante a gravación contamos coa inestimable colaboración de Alejandro Ordóñez de 1º ESO, como locutor, e de Daniela Rodríguez de 1º ESO, como técnica de son.
Animámosvos a escoitar o audio:
O 25 de xaneiro o alumnado de 1º , 3º ESO, 1º e 2ºBAC. tivo a oportunidade de asistir á representación da obra Ahora “mismitos“. Nela interpretáronse diferentes historias ou lendas da mitoloxía greco-latina, presentes e frecuentes na literatura e as artes plásticas.
Con posterioridade Celia Arcos e Mauro Riveiro, colaboradores de Radio Rianxofala, tiveron a sorte de poder entrevistar ao actor Antonio Blanco, quen falou sobre o seu proxecto.
Deixámosvos o audio para que podades desfrutar del:
Por Xiana (4º ESO D) Martes 20-9-2022 Realizamos a moi esperada excursión a Londres. A viaxe comezou ás dúas da tarde, xa que a esa hora partimos en bus rumbo a Santiago. Unha vez chegamos ao aeroporto fixemos unha longa cola para coller os billetes e facturar a maleta. Cando iamos acabando pasabamos a comparar […]