Imaxe de cabeceira

A moitos deportistas do país gustaríalle reivindicar o uso do galego no mundo do deporte. Precisamente isto é o que se quere conseguir co ‘Manifesto polo deporte galego en galego’,  iniciativa impulsada pola Vicerreitoría de Cultura da USC e a Fundación AZKAR.

Na noite do martes pasado (3 de febreiro) celebrouse unha reunión no Colexio de Fonseca na que estiveron presentes, entre outros, o vicerreitor de Cultura da USC, o xerente da Fundación AZKAR,  a directora xeral para o Deporte da Xunta de Galicia , o xefe de Deportes da Radio Galega,  e a ciclista Eva Castro, onde presentaron o Foro do Deporte Galego en Galego, que arrinca co compromiso de que “a nosa lingua común sexa a nosa forma habitual de expresión, o galego que nos une”.

O alumnado de 3º e 4º da ESO do I.E.S. Félix Muriel fomos de excursión o pasado mércores 21 de xaneiro ó auditorio de Galicia (Santiago de Compostela) para asistir a un concerto da Real Filarmonía de Galicia.

O día 27 de xaneiro houbo un obradoiro sobre Hip Hop.

Aínda que eu cheguei algo tarde, o que escoitei encantoume.

Os que fixeron o obradoiro eran dous rapaces novos, de 20 a 25 anos máis ou menos. Chamábanse Carlos e Martín e son compoñentes dun grupo chamado Machina.

 Un deles facía Beat Box, e ensinounos cales eran os pasos iniciais para facer unha base co son de batería.

  O outro facía rap, e explicounos o necesario para facer unha rimada.

 




 Tamén explicaron de que temas podían tratar os versos, por exemplo: con algo que che pasa no momento, o que sentes polo teu amor, etc.

 Ao final entre todos, intentamos facer unha rimada, pero acabaron facéndoa eles.

 Á rapaza que saíu voluntaria a rapeala, regaláronlle un cd por facelo ben.
 A miña valoración final é que estivo xenial!
 

 

 

 

Grazas a todas as familias, tamén a Federación Galega de Confradías de Pescadores, e a consellería de Pesca, que prestaron a súa colaboración ao proxecto de dixitalización de varios  álbums de fotos  relacionados cos seus familiares mariñeiros, o Museo do Mar de Galicia presentou este mes de decembro  os resultados destes álbums na rede co título (A memoria do mar). A memoria do mar, foi realizado maiormente coa colaboración da Federación Galega de Confrarías de Pescadores, que  xuntou  arredor de 4.000 imaxes, estas proceden  de máis de 200 doadores, en 25 localidades da costa (A Guarda, Muros, Rianxo, Moaña e outros. As imaxes foron dixitalizadas en alta resolución,  e subidas, a baixa resolución, a un catálogo  que pode ser consultado por quen o desexe na páxina web do Museo do Mar de Galicia   (www.museodomar.com/gl). Nesta páxina ademais de toda a información referente ao mundo do mar galego, pódese encontrar o blog coas imaxes do proxecto, con cadansúa breve explicación do lugar e significado da imaxe,  xunto con moita información con artigos sobre a pesca no pasado.

O Castro de San Cibrao De Las é o máis grande de Galicia

                        

                        O xoves 29 de xaneiro tivo lugar na sala de usos múltiples do IES “Félix Muriel” a exposición da colección privada “eXXpo press, cen anos de actualidade” do xornalista estradense Suso Souto, delegado do Correo Gallego en Ribeira, onde tamén forma parte da directiva do Ateneo Valle-Inclán.

Unha servidora tivo o privilexio de facerlle unha breve entrevista pouco despois de que a TVG viñera a gravalo en directo falando acerca da súa extraordinaria recompilación de acontecementos, escritos e imaxes máis importantes de todo o século XX.

Expoñíanse uns 160 xornais galegos, casteláns e estranxeiros, como ABC, Correo Gallego, Faro de Vigo, Time, Ya… Todos eles destacaban feitos importantes da centuria pasada.

Tamén había prensa rosa, revistas que amosaban os personaxes do corazón, como actores, cantantes… celebridades que destacaron no pasado século. Era de notar que antes se respectaba moito máis aos famosos que na actualidade. Das paredes colgaban unhas fotos xigantes deste tipo de personaxes na súa xuventude e sen nome para que os visitantes o puideran adiviñar e así meterse máis de cheo no contido da exposición. Había novelas, cómics (de Superman, do Capitán América…), cromos, anuncios de coches antigos…

Contabamos con dez paneis, cada un tiña á súa vez dez resumos (1900-2000) que mostraban as efemérides, as anécdotas, os feitos e o personaxe mais importante de cada ano, así como tamén a canción que marcou algún acontecemento de gran importancia, facendo deste xeito unha selección musical de todo o século.

No centro da sala había uns paneis monográficos. Cada un falaba de temas concretos como o cine, os papas, as conquistas, os descubrimentos e inventos… todo pertencente ás décadas pasadas.

A exposición tamén proxectaba dous vídeos. Un primeiro é musical, fala dos líderes dos movementos musicais que houbo e que máis influíron na sociedade, como o rock, o jazz… Un segundo mostra imaxes do pasado século, como da II Guerra Mundial, do asasino e mafioso máis grande (Al Capone) ou da ovella Dolly.

Ademais de explicarnos todo isto, Suso díxonos como conseguiu o material. Rememorando a súa nenez, contounos que aos dez anos xogaba cos seus amigos nun Bazar en fronte da súa casa que tiña un montón de cousas antigas. Esta tenda estaba rexentada por un matrimonio xa moi entrado en anos. Cando o home morre, a muller preocupada, non sabía quen ía quedar con todo. E Suso tampouco. En seis viaxes levou para a súa casa todo o que puido ou o que lle permitiu súa nai. Co paso dos anos foi consciente da cantidade de cousas importantes e interesantes que el amoreara en tanto tempo, polo que comezou a gardalas e a catalogalas, non só as que tiña senón as que outra xente lle ía dando ou el mesmo conseguía. E hoxe por hoxe vemos o resultado da colección: é única.

Contounos que levou a “eXXpo press” por varias cidades de Galicia, tamén a Barcelona, e incluso a EE.UU, onde foi inaugurada polo cónsul honorario de España alí. Por agora vaise empregar con fins didácticos; de feito, a Xunta de Galicia ten pensado levar a colección a máis centros de ensino. Nós tivemos o gran privilexio de ser o primeiro que amosa a súa obra. Nestes momentos tamén se está a traballar para levala ao Vaticano. O xornalista ten pensado regalarlle ao papa un exemplar dos anos 60 que amosa o encontro entre a Igrexa Ortodoxa e a Católica.

De seguro que esta é unha das exposicións culturais que realmente vale a pena ver. Mediante ela podemos visualizar o noso pasado máis próximo de maneira sinxela, ordenada e completa.

 

 

Nos anos 50 xurdiu o Rock and Roll da man do “Rei do Rock” Elvis Presley e tamén doutros rockeiros como Chuck Berry, Gene Vicent.
Nos anos 60 apareceron novos grupos e cantantes de Rock como The Beatles, The Rolling Stones, Muddy Watters, Jimi Hendrix (considerado un dos mellores guitarristas do mundo), Eric Clapton, The Doors, John Mayall, Jefferson Airplane, The Mamas and The Papas, Seeds, Santana, Velvet Underground,…
Nos anos 70 xurdiron novos estilos coma:
•    Rock Sinfónico ou Progresivo:  The Beatles(que xa están dende os 60), Pink Floyd, Frank Zappa…
•    Glam Rock: David Bowie, Queen, Alice Cooper, Elton John.
•    Rock Urbano: Bruce Springsteen.
•    Rock Latino: Carlos Santana, Celia Cruz.
•    Hard Rock ou Heavy Metal: Led Zeppelin, Black Sabbath, Deep Purple.  
•    Punk: The Clash, The Ramones, Sex Pistols.                
Os anos 80 foi a época dourada do pop, pero tamén xurdiron novos cantantes e grupos de rock, de heavy metal, do Trash Metal, do chamado Rock/Pop e do Punk.
•    Rock: Tina Turner, Los Suaves, OBUS, Barón Rojo, Asfalto, Radio Futura, Gabinete Caligari, Siniestro Total, Golpes Bajos, Os Resentidos, Os Diplomáticos, Rompente, Radio Océano, Los Suaves, Siouxsie & The Banshees…
•    Heavy Metal: Judas Priest, AC/DC, Iron Maiden, Scorpions, Van Halen, Aerosmith e Bon Jovi.
•    Trash Metal: Metállica, Joe Satriani e Guns N’Roses.
•    Rock/Pop: The Police, Sting, Blondie, Dire Straits, U2…
•    Punk: Kaka de Luxe.
Os anos 90 caracterízanse polo triunfo do mercado do rock e das súas variantes, e así temos novos cantantes e grupos:
•    Rock: Pearl Jam, Nirvana, Green Day e Linkin Park (que ao principio se chamaban “SuperXero” e empezaron a tocar no ’97), Heredeiros da Cruz…
•    Rock Alternativo: Offspring.
•    Rock/Pop: R.E.M., Oasis, Andrés Calamaro, Héroes del Silencio, Seguridad Social, Sociedad Alkohólica, Extremoduro…
•    Heavy Metal: Helloween, Dream Theater, Dream Evil…
•    Trash Metal: Marilyn Manson, Black Crowes, Lenny Kravitz.
No século XXI destacamos entre outros moitos:
•    Rock: Los de Marras, Blur, ColdPlay.
•    Rock Latino: Pereza, Estopa, Porretas, Fito & Fitipaldis, El Canto del Loco.

Despois de ler o artigo anterior que describe a saída a Santiago que realizou o alumnado de portugués do IES Félix Muriel para asistir a unha clase de portugués, podedes ler agora as súas opinións.

2289 Artigos |   | 1  |   | 271  | 272  | 273  | 274  | 275  | 276  | 277  | 278  | 279  | 280  | 281  |   | 287  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.