No blog da biblioteca do IES Nosa Señora dos ollos grandes de Lugo, colgaron esta presentación sobre o novo decreto que nos parece moi interesante. Por iso vola reproducimos aquí.

MARIA LOSADA MIGUÉNS 2ºc

O mércores 13 de xaneiro, fomos 2ºC e dúas clases máis de primeiro a ver unha obra en inglés: “Fair play”.

Saímos do I.E.S despois da segunda hora, fomos en autobús a Santiago. No traxecto pasámolo ben aínda que houbo as típicas queixas referentes ao lugar no que nos sentábamos.

Chegamos á alameda e tivemos que camiñar un pouco pola zona vella ata o Teatro Principal. Acomodáronnos en grupos de cinco nos palcos que había arredor do patio de butacas. Pero mentres que chegaban outros colexios e se colocaban no seu sitio pasou polo menos media hora e, por fin comezou o teatro:

 Trataba de un grupo de amigos ( dúas animadoras e dous xogadores de fútbol americano). As rapazas cansas de que o seu equipo non gañase ningún partido retaron aos chicos a intercambiar os papeis.Por tanto a obra contaba o que facían os rapaces para prepararse, cada un na súa nova faceta.

Cando rematou xuntámonos todos á saída e despois duns minutos fomos a coller o autobús para volver. Pero tivemos que esperar bastante para que chegara.

Houbo a quen lle gustou a representación e a quen non pero creo que a todos nos pareceu ben pasar un día distinto cos compañeiros.

Neste artigo queremos comentar en que consiste o balonman. Imos nomear as características principais deste xogo

Preséntovos aquí unha pequena historia do volveibol

Por terceiro ano consecutivo o ENDL do IES “Félix Muriel” de Rianxo consigue un recoñecemento ao seu traballo co premio de Innovación en Normalización Lingüística

Os sete centros galardoados deste ano foron o CEIP Aguiño, de Ribeira, por Mar de mulleres asolagadas; o CEIP A Gándara, de Carballo, co proxecto Mergullados nos mares da palabra; o CEIP A Pedra, de Bueu, polo traballo Galegos e galegas de aquí e acolá; o CEIP Bergantiños, de Carballo, que se presentaron con Casas de aquí e acolá; o CEIP Quintela, de Moaña, por En galego pola rede; o IES Menéndez Pidal, da Coruña, polo proxecto A aldea global: Galicia é máis Galicia cando é todos os mundos; e finalmente, o IES Sardiñeira, tamén da Coruña, premiado por LinguaTIC@s.

Debido á calidade e á cantidade de proxectos presentados este ano, concedéronse un total de catro accésits. Estes recoñecementos foron para o IES Félix Muriel, de Rianxo, polo traballo Abrindo portas en galego; para o IES Perdouro, de Burela, que presentou o proxecto Dinamización Lingüística de Burela; para o IES Rodeira, de Cangas, que fixo Vivir en galego. Queremos. Podemos; e mais para o IES Porto do Son, de Porto do Son, polo traballo 2010. Vinte dez.

Anxo Lorenzo, secretario xeral de Política Lingüística, e José Luis Mira, director xeral de Educación, Formación Profesional e Innovación Educativa, destacaron tanto a calidade dos proxectos deste ano coma o número de traballos presentados, un total de 68, o que supuxo un aumento do 340% respecto da media dos anos anteriores, situada en 20 proxectos.

Lorenzo salientou "os contidos que o xurado considerou especialmente interesantes", que foron a introdución do audiovisual nas aulas, o achegamento ás novas tecnoloxías, a aproximación á lingua galega en todas as manifestacións posibles e a posta en valor do multilingüismo. Así mesmo, o responsable de Política Lingüística recordou que os proxectos para fomentar a lingua galega, que parten principalmente dos equipos de normalización e dinamización lingüística, constitúen "actividades que teñen que ver con toda a comunidade educativa".

Pola súa parte, José Luis Mira puxo en valor o traballo dos centros educativos e destacou "a necesidade de mellorar a competencia lingüística dos alumnos, que debe implicar a todo o profesorado, axente clave deste proceso e peza angular do proceso educativo".

O 17 de novembro fomos ao teatro a Santiago de Compostela a ver unha obra de teatro en inglés titulada “Pygmalion”, que trataba sobre como unha vendedora de flores se converteu nunha estrela, grazas a unha aposta duns profesores de canto. Tanto as semanas anteriores como as semanas posteriores á representación fixemos diversas actividades sobre esta– escoitamos cancións, relacionamos adxectivos, completamos conversas, escenas e cancións, e outras moitas cousas máis—todo co fin de podermos entender mellor o texto da representación. En xeral a obra estivo ben e esperamos facer máis saídas.