Darémosvos información puntual e diaria sobre as lecturas de profes, alumnos e alumnas, persoal non docente… todo na biblioteca. Comezamos por deixarvos un resumo da actividade e animámosvos a todos e todas a participar.

O noso EDLG vai dedicar este primeiro trimestre do curso e último trimestre do ano 2011 a homenaxear o autor mindoniense cunha serie de actividades. Polo momento estivemos, e aínda estamos, lendo textos en todas as aulas.

Aproveitando que é o ano de Cunqueiro, imos dedicar este trimestre a facer os tradicionais concursos de lectura en voz alta e recitado coa obra de Cunqueiro. Ademais engadimos unha sección nova: concurso de contacontos. Animádevos a participar! Xa vos podedes anotar no local do EDLG.

RIANXO 2112, é o nome do noso proxecto deste curso.

A continuación deixámosvos a relación de actividades que imos desenvolver durante os vindeiros meses

O curso xa comezou e no Equipo de Dinamización da  Lingua Galega, estamos esperando a novos colaboradores. A estas alturas xa agarramos cinco novos profes: María Míguez (lingua castelá), Ana Inés (bioloxía), Marta (educación física), Sofía (lingua galega) e Luís Ramíl (Ciencias Sociais) que de seguro van traballar moi duro.

E tamén comezaron a chegar moitos alumnos e alumnas de 1º ESO que se unen a nós. E os que non estivestes outros anos, podedes virvos anotar, polo tanto esperamos por vós.

Tanto este restaurante coma o outro do concello “Restaurante Pachín” participaron este ano de novo no Porxecto Abrindo portas en galego e aumentaron a oferta lingüística dos seus produtos.

 Xa sabedes, se pasades este verán por Taragoña, habedes ver as novas cartas que teñen en varias linguas e en varios formatos nos dous restaurantes.

Bo verán… en galego!