Imaxe de cabeceira

Resultado de imaxes para: carvalho caleroO Día das Letras Galegas é unha celebración instaurada pola Real Academia Galega dende o ano 1963. O fin desta actividade é homenaxear a todas esas persoas que ao longo da historia foron importantes na creación de obras literarias en galego e mesmo pola súa defensa da lingua. Rosalía de Castro foi a primeira autora á que se lle dedicou esta celebración. Porén, hai  autores que contan cun gran labor cultural pero que foron elixidos de forma posterior con respecto a outras figuras menores; un exemplo é o caso de Carvalho Calero. Por qué unha figura tan salientable  na loita pola cultura e a lingua galega non foi elixida para ser homenaxeada ata este ano?

Resultado de imaxes para: mola ser galego gadisOs spots realizados pola compañía de supermercados Gadis nos últimos anos nas datas próximas ao Nadal supoñen un achegamento a outras campañas publicitarias de moito éxito por parte do público como son a da Lotaría de Nadal. Todas elas, coa intención de que merquemos os seus produtos , apelan á conciencia da xente empregando os estereotipos. Por tanto, considero que a presenza deste tipo de elementos na publicidade de Gadis repercute enormemente na conciencia dos espectadores.

En primeiro lugar, debemos sinalar que se algo caracteriza a unha empresa é o obxectivo de vender os seus produtos nas maiores cantidades posibles. Teoricamente , todos e cada un de nós tras ver este tipo de anuncios deberíamos tomar unha decisión sobre que produtos mercar en función dos nosos intereses. En calquera anuncio comercial que podemos ver no noso televisor , ese concepto rómpese por completo, pero nos promulgados pola compañía Gadis (máis próximos a unha curtametraxe pola súa excesiva extensión) as consecuencias que sofren os espectadores e o condicionamento que implica cara as persoas é moito peor. De verdade queren ser controlados por empresas desta magnitude?

IMG-20200207-WA0011

  RONSEIS DO TEMPO de Aida Saco é candidato aos Premios MIN 2020 nas categorías do Mellor Álbum de Música Clásica e Mellor Videoclip (Carlos Lago, O Terser Home, por Déixome Ir).

      Para apoiar a súa música votade por ela nos premios MIN  no seguinte enderezo:

▶️ https://www.premiosmin.com/publico/register

     Pilar Pérez Piale   Do 11 de Novembro ao 9 de Decembro, a profesora Pilar Pérez, que forma parte da sección bilingüe do IES Félix Muriel de Rianxo, ven de coñecer o funcionamento do Lisgar Collegiate Institute, un instituto de Secundaria (o High School) con sede en Ottawa, no marco do programa PIALE da Xunta de Galicia. Neste periodo conviviu cunha familia canadiense.

(Por Pilar Pérez)

  bandeira Canadá   En xeral promóvese o crecemento intelectual, persoal e emocional e estimúlanse o pensamento crítico e o debate. Abundan as presentacións orais, traballos en grupos, e tempo para as discusións entre o alumnado. Con esta variedade de enfoques é máis doado acadar que todos os estudantes atopen a súa maneira de aprender.

     Todo o profesorado, independentemente da materia da que sexa especialista, se considera profesor de lingua

 

IMG-20200127-WA0001

Este mes, Marta Valladares, locutora de Radio Rianxo Fala, tivo o pracer de poder entrevistar a Pilar Pérez, profesora de Tecnoloxía no noso IES

 

O domingo 12 de xaneiro celebrouse en Rianxo unha homenaxe a Castelao. Desenvolveuse diante da súa estatua, onde diversas persoas falaron sobre el e o galego.

Castelao foi un intelectual galeguista, de Rianxo, moi importante para a literatura galega. Escribiu obras coñecidas como Os vellos non deben de namorarse, Sempre en Galiza, Cousas, etc. Ademais de destacar na literatura, faino tamén na política, xa que foi líder do Partido Galeguista, conseguiu que se aprobara o Estatuto de Autonomía (pese a que finalmente non se puido poñer en vigor debido ao golpe de estado que provocou a Guerra Civil), entre outras. Con todo, polos seus pensamentos, tivo que exiliarse e marchou a América, máis concretamente a Bos Aires. Alí, pese a que pensaba que ía  volver e morrer en Galiza, faleceu o 7 de xaneiro de 1950, e por iso foi homenaxeado o domingo.

No acto, repartiron caraveis vermellos e bandeiras de Galiza. Os primeiros colocáronse cando rematou, debaixo da súa estatua, no seu pobo natal. Diversas persoas leron discursos para recordar a vida e a carreira deste personaxe tan importante, non só para a literatura galega, senón tamén para Galiza. Lembraron a súa traxectoria, porque Castelao é unha personaxe fundamental para a historia de Galicia, por exemplo, grazas a  el,  hoxe Galiza é unha nacionalidade histórica. Ademais do seu activismo contra o fascismo e a favor da normalización da lingua galega que, entre outras cousas, o levaron ao exilio. Tamén denunciaron este feito e recordaron que el seguiu traballando e loitando pola súa causa dende alí.

En definitiva, Castelao foi un pintor, dramaturgo, narrador, ensaísta e político de Rianxo. Morreu o 7 de xaneiro de 1950 exiliado en Bos Aires debido aos seus ideais e por iso mesmo, foi homenaxeado no seu pobo natal o pasado domingo.

Deixámosvos os calendarios deste trimestre para que vos poidades organizar.
AxendaAula_A3_xaneiro201920_v3-1

2116 Artigos |   | 1  | 2  | 3  | 4  | 5  | 6  | 7  |   | 265  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.