Bo día a todos e todas
Neste novo programa imos poder escoitar a Marta Piñeiro (1º ESO-C) e a Daniela Viturro (1º ESO-A) e contaremos coa axuda de Ismael Fernández na mesa de mezclas.
Que curioso ver como a día de hoxe sabemos tan pouco sobre o pasado da nosa terra, e o pouco interese que hai por coñecelo. É verdade que algo de preguiza dá ler un
libro de catrocentas páxinas ou perder unha tarde enteira nunha charla, pero asistir o teatro?
O único esforzo que hai que facer é prestar un mínimo de atención.
No auditorio de Rianxo leváronse a cabo unha serie de sesións teatrais, postas en escena pola compañía Airiños, unha das máis antigas de Galicia xa que naceu en 1933 en Asados, da man dos curmáns de Castelao. Así mesmo o venres vinte e tres de setembro e o sábado vinte e catro, representouse a obra República Sideral de Esther F.Carrodeguas, unha rianxeira moi exitosa. Hai que admitir que o nome do espectáculo non me chamou para nada a atención, pero levei unha grata sorpresa coa representación.
Dende hai décadas, especialmente a partir do ano 2010, obsérvase na lingua galega unha notable diminución de falantes e, polo tanto, ámbitos de uso, situacións que se retroalimentan e resultan nas cifras máis preocupantes ata agora rexistradas. Unha Lei de Normalización Lingüística ineficiente nos seus postulados, a perda de medios de comunicación en galego ou o progresivo deterioro da conciencia dos falantes son algúns dos motivos destes resultados.
Polo tanto, que se debe facer para frear o decaemento do idioma? Eis a cuestión de non tan difícil resposta: intervención institucional. É precisa a posta en marcha de plans que amparen o dereito a uso do galego e promovan a súa transmisión xeracional. Debe impulsarse dende a política un proxecto de normalización que deteña o proceso de substitución lingüística, acelerado en particular nas últimas décadas.
O porco de pé é unha obra literaria de Vicente Risco que, despois de case un século, acaba de ser adaptada ao teatro por Pepe Sendón e posta en escena por Producións Excéntricas baixo a dirección de Quico Cadaval, como se puido ver no auditorio de Rianxo o pasado sábado 30 de abril.
Cun culto e fino sentido do humor esta obra cóntanos a historia de don Celidonio, un porco que ao ser vestido como un home rico comezou a andar e a portarse como tal, alcanzando a súa posición social por casar cunha muller adiñeirada. Aparecen outros personaxes como o xastre, que é o verdadeiro mago responsable da transformación de porco a home; a filla de Don Celidonio, que abandonará o intelectual Doutor Alveiros deixándose engaiolar polo vampiro-conde; a súa muller, que é quen realmente dirixe a vida de todos… E algúns outros secundarios que teñen a súa propia caracterización e protagonismo, sendo interpretados todos eles por só tres actores sobre o escenario.
En realidade a obra é unha sátira social que denuncia 
que calquera con ansia de poder e sen máis intelixencia que a dun porco pode chegar a alcalde. É dicir, critícase por riba de todo o triunfo dos cartos fronte á intelixencia. As comparacións, as metáforas, a ironía son incriblemente enxeñosas. A obra fai rir e reflexionar, mesmo a quen non coñece a novela de Risco.
Ábrese a cortina e aparece Quico Cadaval. Só que non hai cortina e estamos no salón de actos do IES Félix Muriel, a 19 de abril de 2022. O obxectivo: unha masterclass sobre o teatro actual. O resultado: O mesmo, pero en verso libre. O alumnado non tarda en recoñecer ó interventor como visitante do mundo das artes varias, sexa polo seu parecer compatible coa docencia de Educación Plástica e Audiovisual, ou a forma de atar o pelo para que “non escapen as ideas”.
O ver e o ser visto. O terror e o humor. Resulta que na vida coma no teatro, fan falta dúas caras para facer a moeda. En efecto, non existe a risa de nada. Por iso, quen máis desfruta é quen logra “verse a si mesmo na careta deforme do teatro”. O escenario é un espello delator onde debemos recoñecernos, o cal foi difícil para o público galego cada vez que os textos entraron polo sueste.
Este venres soubemos que “A Regueixeira”, composición presentada por 21 Garabullos (alumnado de 1º ESO-D) gañou o premio do certame Enreguéifate á mellor Regueifa falada. Esta é unha composición cantada e signada que defende o valor da nosa música tradicional fronte a invasión do reguetón e que, á súa vez, quere amosar o seu compromiso coa inclusión e visibilidade das persoas xordas na sociedade.
Se aínda non tivestes a oportunidade de escoitala, animádevos a desfrutar co traballo dos 21 Garabullos
Parabéns!!
Gabriel Lamas, un home de cincuenta anos, regresa á súa vila natal, Monteverde, trinta e dous anos despois da súa marcha. Esta volta estivo propiciada polo falecemento da súa nai, feito que o forza a pisar a terra onde se criou. Ao chegar, visita a casa dos seus defuntos pais onde a ánima do seu pai lle recrimina a tardanza, o que lle propicia un incremento dos remorsos. Gabriel escapara de Galicia con tan só 18 anos fuxindo dos problemas derivados da inxusta condena do seu antecesor e deixando a súa irmá Elsa e a súa nai desamparadas. Agora, xa máis maduro, sente a necesidade de atopar ao verdadeiro culpable para facer xustiza.
Estás buscando agasallos? lembra que na páxina agasallo.eu hai de todo, de todo en galego… Podes escoller xogos, aparellos, mesmo experiencias…
