As emisións da radio do noso IES (TODAS ORDENADAS NO MENÚ DA CABECEIRA)
O pasado mércores 23 de maio, o alumnado que participa no proxecto de radio Rianxo Fala, visitou as instalacións da RTVG . O percorrido estivo guiado polo responsable o arquivo sonoro, Carlos Lozano, quen lle explicou ao alumnado asistente como funcionan os diferentes departamentos desta institución e como se realiza un programa de radio. Durante a visita, unha representación dos asistentes tiveron a ocasión de participar en directo no programa “Galicia por diante” que dirixen Kiko Novoa e Carlos Jiménez. A xornalista Belén Regueira que tamén estivo presente no programa, mostrou especial interese polo traballo desenvolvido na nosa emisora Rianxo Falae sacou unha fotografía co grupo.
Rapazada de 1º ESO, moi ilusionada coa radio pero con aínda moi pouca experiencia, aceptou o reto de facer un programa especial dedicado ao deporte, tema escollido para conmemorar este ano o Día Mundial da Radio, que se celebra o 13 de febreiro. E fixérono moi, moi ben! Parabéns para o grupo e felicitacións por tanto esforzo.
Desde o ENDL, quixemos que RianxoFala se sumase á iniciativa que nos chegou desde “Ponte nas ondas”, e aquí queda a nosa contribución que enviamos para “Escolas nas ondas”. Esperemos que vos guste.
O noso agradecemento a Chema Bará e a Ánxela Diéguez, polos obradoiros e a axuda recibida.
Facendo a primeira proba para a gravación do programa de radio RIANXO FALA dedicado ós deportes polo alumnado participante neste proxecto radiofónico do IES Félix Muriel. Na seguinte noticia tendes o podcast do programa completo.
Programa nº 14 de RadioRianxo e 3º deste curso escolar que xa podes escoitar coma sempre na páxina de Rianxo Fala.
Os principais contidos:
Xa temos na páxina de “Rianxo fala” o segundo programa deste curso, que vén sendo o número 13 da nosa curta traxectoria. Nel temos un pouco de todo, destacan as noticias do IES que tiñamos para dar a semana pasada, xa que foi de grande actividade. Falamos, entre outras cousas, sobre as charlas da garda civil (e entrevistamos a un dos membros da policía xudicial que se achegou ao centro, do que xa demos conta nun artigo anterior nesta revista), avisamos do concurso Rosalía “Sempre viva” e tamén da saída ao teatro do alumnado de 4º e 1º Bac… Podedes escoitar opinións do alumando que asistiu á representación de Lucecús teatro.
Falouse tamén da Semana Castelao e iniciose a sección de deportes, xermolo para o que será un programa especial só dedicado a este tema que imos facer para o Día Mundial da Radio. Esperemos que vos guste!
Pincha aquí para oír:“Rianxo Fala 2, 17-18”
Xa temos na páxina de “Rianxo fala” o primeiro programa deste curso, que vén sendo o número 12 da nosa curta traxectoria. Por problemas técnicos alleos a nós non o puidemos colgar ata agora, mais xa se emitiu a finais de novembro.
Con este programa comezou a súa andaina un grupo moi xeitoso de alumnado de 1º ESO, dos que só algúns saen na foto (Celia Arcos Resúa, Marta Figueira, Sabela Loureiro Coto, Alex Mariño e Sandra Ordóñez). Mais detrás da escaleta e emisión deste primeiro programa están tamén: Daniela Rodríguez, Marta Domínguez Picón, Isabel Saborido Gey e Mauro Riveiro Suárez.
Acabamos de colgar na páxina “Rianxo fala” o programa número 8, último deste curso, emitido o pasado 16 de xuño.
Acabamos de colgar na páxina “Rianxo fala” os programas de radio número 6 e número 7. En breve vai saír o número 8, último deste curso. Se aínda non os escoitastes, non deixedes de facelo. Xa sabedes, noticias, boas entrevistas (a Aida Saco e a Xiao Berlai) e boa música.