Imaxe de cabeceira
PROXECTOS DO EQUIPO / ...
Proxectos feitos

Proxectos de anos anteriores

Artigos nesta sección:

San Cibrao, no concello de Cervo ten un Museo especial. É único, cunha exposición ampla e de gran diversidade, tamén organiza unha densa programación de actividades, para dar a coñecer fundamentalmente a vinculación histórica do pobo galego e o mar.
No entanto, o que fai diferente a este Museo, é que nace dunha fermosa historia.
Don Francisco Rivera Casas, mestre de San Cibrao, comezou hai corenta anos, coa colaboración dos seus alumnos a recoller todo aquilo que o mar lle entregaba e consideraba relevante.
No pasado mes de outubro, o legado deste mestre celebra aniversario, catro décadas nas que a súa obra foi recoñecida e visitada por numerosas persoas.

Co inicio dun novo curso, despois dunhas xornadas de adaptación, é o momento para volver a estar con todos desde a sección: NO MEU MAR NA MIÑA LINGUA.

Comezamos cunha boa nova. Pois a tecnoloxía é o alicerce dun proxecto do Museo do Mar, para recuperar o noso patrimonio marítimo.

O proxecto consiste en dixitalizar as embarcacións tradicionais galegas en tres dimensións, estamos ante unha actuación pioneira en España, con obxectivos moi ambiciosos e favorables para o mellor coñecemento da nosa rica historia mariñeira.

O futuro Arquivo Virtual de Embarcacións Tradicionais (AVET), pretende entre outros os seguintes obxectivos.

Catalogación das embarcacións tradicionais, a gran maioría no esquecemento.
Achegar documentación sobre estas xoias do noso litoral.
Realizar un traballo de divulgación.

Unha dorna polbeira e unha gamela de Cabo de Cruz, son as dúas primeiras embarcacións obxecto do estudo. Desde a nosa sección imos seguir con entusiasmo este proxecto e os seus ambiciosos resultados. Para todos aqueles que desexen unha información máis completa, poden visitar a páxina www.avet.com

O pasado domingo 24 de maio, celebrouse na ría de Vigo a IV proba do X Circuíto Galego de kaiak de mar.

O mércores 18 de marzo, ás 17.00 h. fixemos unha gravación para a montaxe dunha curtametraxe sobre o léxico dun deporte náutico: o remo.

Para esta gravación, catro alumnas fixemos unha pequena presentación, a continuación sae unha entrevista feita por nós ao adestrador e finalízase coa xente do club de remo sinalando as partes da embarcación.

O Museo do Mar de Vigo presenta desde o día 10 de febreiro a exposición denominada  As embarcacións tradicionais do Arco Ártabro ata a ría do Eo.

Parabéns, desde o grupo de traballo de No meu mar, na miña lingua, para os impulsores de tan magnífica iniciativa.

 

Grazas a todas as familias, tamén a Federación Galega de Confradías de Pescadores, e a consellería de Pesca, que prestaron a súa colaboración ao proxecto de dixitalización de varios  álbums de fotos  relacionados cos seus familiares mariñeiros, o Museo do Mar de Galicia presentou este mes de decembro  os resultados destes álbums na rede co título (A memoria do mar). A memoria do mar, foi realizado maiormente coa colaboración da Federación Galega de Confrarías de Pescadores, que  xuntou  arredor de 4.000 imaxes, estas proceden  de máis de 200 doadores, en 25 localidades da costa (A Guarda, Muros, Rianxo, Moaña e outros. As imaxes foron dixitalizadas en alta resolución,  e subidas, a baixa resolución, a un catálogo  que pode ser consultado por quen o desexe na páxina web do Museo do Mar de Galicia   (www.museodomar.com/gl). Nesta páxina ademais de toda a información referente ao mundo do mar galego, pódese encontrar o blog coas imaxes do proxecto, con cadansúa breve explicación do lugar e significado da imaxe,  xunto con moita información con artigos sobre a pesca no pasado.

Ós membros do ENDL gústanos estar pendentes de todo o que teña que ver co noso proxecto No meu mar, na miña lingua, que ten como un dos seus obxectivos principais recuperar e difundir léxico relacionado cos deportes marítimos e con actividades desenvolvidas no mar.

Desta vez ofrecémosvos dous enlaces de interese e que gardan relación co noso proxecto:

http://www.udc.es/snl/terminoloxia/Deportes.pdf
Vocabulario deportivo, elaborado por Iván Méndez López, que ofrece a Universidade da Coruña na súa páxina e que se pode descargar en pdf.

http://heroinasdesalvora.blogspot.com/
Blog onde se expoñen os traballos realizados no CEIP Aguiño de Ribeira, que teñen o mar, as sereas, as cantigas mariñeiras como fío condutor na maior parte deles.

Hoxe, 24 de xaneiro de 2009, vimos de presentar a segunda parte do noso proxecto No meu mar, na miña lingua, que -igual có ano pasado- conseguiu un dos premios de innovación en normalización lingüística.

A xornada desenvolveuse no IES As Fontiñas de Santiago onde, nunha primeira parte, os premiados expuxemos en 10 minutos en que consistían os nosos proxectos. Alí estivemos en compañía do IES Rodeira de Cangas, CEIP Figueiroa da Estrada, EOI de Ferrol, IES As Bizocas do Grove, IES O Perdouro de Burela, CEIP Aguiño de Ribeira e o IES A Sangriña da Guarda. Logo Jorge Fente instruíunos sobre a dinámica de grupos.

60 Artigos |   | 1  | 2  | 3  | 4  | 5  | 6  | 7  | 8  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.