Imaxe de cabeceira
Fomento da lectura

Nesta sección recóllense todas as actividades relacionadas co fomento da lectura e coa biblioteca

Artigos nesta sección:

Tal e como vos anunciamos, o pasado venres 22 de febreiro estivemos celebrando o aniversario de Cantares Galegos. Cando menos nas aulas léronse poemas de Cantares, hoxe deixamos unha mostra do alumnado de primeiro da ESO, onde Aitana mesmo cantou Adiós ríos, adiós fontes…

endif]->

Dende o 16 de Febreiro ata o 9 de marzo a Área de Educación Cultura e Normalización Lingüística vai desenvolver o I Programa Galego de Poesía Erótica chamado FERVEIRO AMARZO.

As propostas que se van a realizar son as seguintes:

- SÁBADO 16 DE FEBREIRO, de 11.00 a 14.00 horas e de 16.30 a 19.30 horas no Auditorio de RianxoObradoiro de creación (de poesía erótica) e posta en escena a cargo da escritora Antía Otero. Inscricións en http://www.concelloderianxo.es/inscricions/ferveiroamarzo a partir do venres 8 de febreiro ata o venres 15 da febreiro ás 14.00 horas.

Partirase da creación de textos propios con temática erótica para sacalos do papel de darlles a canle da voz.

Así, ao longo de dúas sesións de tres horas cada unha, pasaremos polo proceso de darlle forma literaria a un sentimento, emoción ou necesidade para despois investigar as ferramentas e os mecanismos cos que contamos á hora transformalo nunha forma “escénica”.

O obradoiro está aberto a todas as persoas interesadas na escrita e/ou na escena.

@s participantes poden crear os textos dentro do propio obradoiro, ou traballar a partir dalgún texto realizado previamente que tomaremos segundo o caso como punto de partida.

Programa:

Dende o 16 de Febreiro ata o 9 de marzo a Área de Educación Cultura e Normalización Lingüística vai desenvolver o I Programa Galego de Poesía Erótica chamado FERVEIRO AMARZO.

As propostas que se van a realizar son as seguintes:

- SÁBADO 16 DE FEBREIRO, de 11.00 a 14.00 horas e de 16.30 a 19.30 horas no Auditorio de RianxoCando o corpo faise verba.

Obradoiro de creación (de poesía erótica) e posta en escena a cargo da escritora Antía Otero. Inscricións en http://www.concelloderianxo.es/inscricions/ferveiroamarzo a partir do venres 8 de febreiro ata o venres 15 da febreiro ás 14.00 horas.

Partirase da creación de textos propios con temática erótica para sacalos do papel de darlles a canle da voz.

Así, ao longo de dúas sesións de tres horas cada unha, pasaremos polo proceso de darlle forma literaria a un sentimento, emoción ou necesidade para despois investigar as ferramentas e os mecanismos cos que contamos á hora transformalo nunha forma “escénica”.

O obradoiro está aberto a todas as persoas interesadas na escrita e/ou na escena.

@s participantes poden crear os textos dentro do propio obradoiro, ou traballar a partir dalgún texto realizado previamente que tomaremos segundo o caso como punto de partida.

Programa:

Mañá: Sesión 1.- Presentación. Lecturas propostas compartidas. Busca de referentes. O corpo. Inicio de traballo de escrita. Repousar o texto. A relación co corpo. A relación co outro.

Tarde: Sesión 2.- Reencontrar o texto. O mapa físico. A voz. Verse a través da imaxe proxectada. Ferramentas dende onde mostrar o traballo. Peche.

 

 

As persoas participantes deberán levar o seguinte:

Material para escribir. Roupa de traballo (cómoda). Algún tipo de dispositivo que rexistre imaxe e son. Un teléfono móbil con cámara é suficiente. Algún texto escrito previamente no caso de que se queira que sirva de punto de partida para traballar.

Antía Otero é escritora, creadora e actriz. Tras licenciarse en Historia da Arte pola USC, realizar un Máster en Historia e Estética do Cinema e formarse artisticamente na Escola de teatro e danza Espazoaberto, decide adicarse á creación escénica movéndose nun código entendido a partir da hibridación de diferentes disciplinas artísticas e creando propostas persoais con textos propios. No campo do audiovisual ten Traballado en series TV, curtametraxes e longametraxes. Como poeta é autora de O Son da Xordeira (2003), (Retro)Visor (2010) e participou en diversos libros colectivos, fancines, revistas e xornais. Na actualidade cursa o Máster en Práctica Escénica e Cultura Visual de Artea, Universidade de Alcalá, Reina Sofía e Matadero, imparte obradoiros de creación literaria en Polisemias, A Coruña e artísticos en Normal. Espazo de Intervención Cultural da UDC e ven de estrear (Retro)visor, un traballo escénico de perfopoesía acompañada do músico Isaac Garabatos. É Vicepresidenta da Asociación de Escritores en Lingua Galega. Máis información sobre a autora na seguinte ligazón

- VENRES 22 DE FEBREIRO, Bar a Lareira (O Pazo) 22.30 horas

Slam de Poesía Erótica

(fase de quencemento do I Certame Galego de Poesía Erótica Recitada) en colaboración con SLAM.arousa

- SÁBADO 23 DE FEBREIRO, Biblioteca Pública Municipal Castelao, 12.00 horas

CONTACONTO-LES familiar

(“Titiritesa” de Xan Quintiá e Mauricia A.C. Quarello), a cargo de Tero Rodríguez e Olga Núñez.

- SÁBADO 9 DE MARZO, Auditorio de Rianxo, 20.00 horas

I Certame Galego de Poesía Erótica Recitada

Batallón de recitado entre o conxunto de poetas participantes (escolleranse 5 finalistas e unha persoa gañadora)

Inscricións no Auditorio o mesmo día de 19:30 a 20:00 horas. Sortearase a orde de intervención. Premios: publicación dos poemas na rede e Diploma acreditativo.

Intervención plástica erótica a cargo da artista María Piensos

Actuación musical a cargo de Najla Shami.

A Rianxeira  é unhas das once localidades que celebrarán as feiras do libro de Galicia:

    A vila de Rianxo foi escollida  no listado de localidades de toda Galicia para celebrar a feira do libro que a organiza a Xunta e a Federación de Libreiros de  Galicia.

Se queredes adicar parte do voso tempo libre á lectura, dende a biblioteca recomendámosvos os seguintes libros,  novelas, bandas deseñadas. Ademais vos propoñemos unha película.

Abre a porta da biblioteca se queres coñecer as nosas recomendacións de lectura para o mes de xaneiro 2013

                                         

O Concello de Rianxo fai unhas interesantes propostas culturais que terán lugar proximamente na Área de Educación, Cultura e Normalización Lingüística:

1.-  OBRADOIRO LITERARIO: "O ambiente no proceso creativo. Construción e re-construción de identidades" a cargo de Nerea Pallares
DATAS: 9, 10 e 16 de novembro

LUGAR: Biblioteca Pública Castelao de Rianxo

O obradoiro literario O ambiente no proceso creativo. Construción e re-construción de identidades, a cargo a escritora Nerea Pallares, desenvolverase os vindeiros 9 e 10 de novembro na Biblioteca Pública Municipal Castelao. O día 16 de novembro, tamén na BPM Castelao e con carácter aberto, a escritora desenvolverá unha lectura e faladoiro arredor dos seus textos, no que explicará as liñas da súa investigación narrativa, formas do discurso, esencias estéticas e creativas contemporáneas, etc.

Ambas as dúas actividades inscríbese no marco de colaboración entre a Área de Educación, Cultura e Normalización Lingüística do Concello de Rianxo e a Editorial Axóuxere, aproveitando a presenza dos escritores participantes no programa de residencias creativas que esta editorial pon en marcha.

Para inscribirse no obradoiro deberase cubrir unha ficha (pode descargala en www.rianxo,com)  e enviala por correo electrónico a cultura@concelloderianxo,es co asunto obradoiro de Nerea Pallares, antes do 9 de novembro

2.- TEATRO: Nin rico nin pobre (senón todo o contrario) do Cadro Artístico Airiños de Asados
DATAS: sábados 10 e 17 de novembro (2 funcións)
HORA: 21.00 h
LUGAR: Auditorio de Rianxo

O Cadro Artístico Airiños de Asados do Centro Sociocultural Simón Varela de Asados vai estrear unha nova obra teatral titulada Nin rico nin pobre (senón todo o contrario) .

A estrea terá lugar o próximo sábado 10 de novembro, ás 21 horas, no Auditorio de Rianxo. No fin de semana posterior, concretamente o sábado 17 de novembro á mesma hora, haberá outra función.

A entrada é de balde, e poden retirarse (máximo 2 por persoa) unha hora antes do comezo das funcións.

3.- CURSO: PATRIMONIO CULTURAL E NATURAL DA RÍA DE AROUSA

DATAS: 5, 6 e 7 de novembro
HORA: de 9.00 a 14.00 h
 LUGAR: Centro Sociocultural-Auditorio de Rianxo

Podes atopar máis información no seguinte enlace: http://www.arousa-norte.es/blog-arousanorte/?p=6734

Ademais  pódense visitar, ata o 10 de novembro, no Centro Sociocultural-Auditorio dúas exposicións:
– Exposición de pintura: Alén da paisaxe. Pinturas da terra de Deli Sánchez
– Exposición de fotografía: Soños de Auga de Helena Villar Janeiro

Para máis información podedes consultar a páxina web do concello: http://www.concelloderianxo.es

O libro Crime en Compostela de Carlos Reigosa recolle a máxia pétrea e inalterable da capital santiaguesa mesturándoa coa escuridade de suburbios tintados de vicio, celos e morte. Esta aleación resultou Premio Xerais no 1984, sendo unha das obras máis vendidas da literatura galega.
A historia céntrase no asasinato do empresario da construcción Aurelio Xieiro. Para chegar a resolución do crime, Reigosa, lévanos polas rúas compostelás da man de Nivardo Castro, quen, aparte de desvelar a identidade do asasino, tamén descubrirá os segredos da vella Compostela. Cada monumento, cada igrexa, cada praza… Cada pedra ten tras de si unha historia que nos encandeará e nos fará sentir a maxia da cidade. O abraio e desconcerto de Nivardo por terse cometido un crime nesa cidade, que no primeiro contacto transmite  tanta paz e tradición, tamén é experimentado polo lector debido ós cambios bruscos de contexto; dunha Compostela que acolle no ventre os ósos do apóstolo, a unhas rúas manchadas de sangue; da pedra que garda lendas e misterios, aos grafitis en muros de formigón; da cuna de grandes intelectuais, aos locais máis miserentos e depravados…
Este recorrido pola  metrópole, a modo de guía turística, é un perfecto reclamo de visitantes. Incluso para os xa coñecedores da cidade, a obra seduce e invítanos a descubrir Santiago. Eu, invítovos a descubrir a obra.

204 Artigos |   | 1  |   | 17  | 18  | 19  | 20  | 21  | 22  | 23  | 24  | 25  | 26  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.