Imaxe de cabeceira
O curruncho de artistas

Espazo para a creación artística: literaria, gráfica…

Artigos nesta sección:

Polos camiños de Cangas
a voz do vento xemía:
ai, que soliña quedache,
María Soliña.
Nos areales de Cangas,
muros de noite se erguían:
ai, que soliña quedache,
María Soliña.
As ondas do mar de Cangas
acedos ecos traguían:
ai, que soliña quedache,
María Soliña.
As gueivotas sobre Cangas
soños de medo tecían:
ai, que soliña quedache,
María Soliña.
Baixo os tellados de Cangas
anda un terror de auga fría:
ai, que soliña quedache,
María Soliña.
 
(Longa noite de pedra)

Esta semana comezaron as lecturas na biblioteca. Polo menos 100 persoas da comunidade escolar xa teñen cadanseu poema para leren nos diferentes recreos na biblioteca.

Sodes amantes da pintura? Adictos aos cómics? Ou simplemente vos gusta disfrutar de cando en vez dun traballo ben feito?

Se é así, botade unha ollada á páxina web do profesor do noso IES, Alfonso Martínez López, onde poderedes atopar unha morea de creacións intresantes que de seguro vos gustarán.

Neste museo virtual expóñense obras de todo tipo, dende a máis realista vida cotiá imaxe.1] ata a máis fantástica aventura [imaxe.2]

O pasado 20 de Outubro celebrouse a quinta sesión do ciclo “Galicia, Ceo das Letras”. Este proxecto, organizado pola Cidade da Cultura, consiste nunha andaina dedicada a festexar aos nosos autores. Nesta última, o homenaxeado foi Don Ramón Otero Pedrayo. Seguindo o patrón destes “Sábados de autor´´, comezouse a sesión cunha charla do Ensaísta e Catedrático de Historia Contemporánea Ramón Villares, consumado especialista na figura de Don Ramón. A continuación, a compañía Casa Hamlet, interpretou unha peza teatral baseada en diferentes textos de Otero Pedrayo.

     A vindeira sesión (19 de Novembro) adicarase ao autor Federico García Lorca. Os interesados poderán atopar máis información ou reservar praza na páxina web da Cidade da Cultura: http://www.cidadedacultura.org/cultural/seccion.aspx?Id=331

O concello de Rianxo presenta as súas novas acitividades. A inauguración da exposición de Deli Sánchez Alén da paisaxe. Pinturas da terra, Proxección da película “los muertos van deprisa”, Teatro familiar:”Merlín a cargo de Quinquilláns”

Eu xa te busquei
cando o mundo era unha pedra intaita.
Cando as cousas buscaban os seus nomes,
eu xa te buscaba.
Eu xa te procurei
no comezo dos mares e das chairas.
Cando Dios procuraba compañía
eu xa te procuraba.
Eu xa te chamei
cando soio a voz do vento soaba.
Cando o silenzo chamaba polas verbas,
eu xa te chamaba.
Eu xa te namorei
cando o amor era unha folla branca.
Cando a lúa namoraba as outas cumes,
eu xa te namoraba.
Sempre,
dende a neve dos tempos,
eu, na túa ialma.

Lingoa proletaria do meu pobo
eu fáloa porque sí, porque me gosta,
porque me peta e quero e dame a gaña
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa nan saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.

Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.

Non falo pra os soberbios,
non falo pra os ruís e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ao mar, ise camiño…

 

Coma cada ano a finais de setembro, tivo lugar, os pasados días, a celebración dun dos eventos culturais de maior envergadura e repercusión de España. O festival cinematográfico de San Sebastián comezou unha nova edición o pasado día 21 de Setembro, e fíxoo celebrando o seu 60º aniversario.

377 Artigos |   | 1  |   | 32  | 33  | 34  | 35  | 36  | 37  | 38  | 39  | 40  | 41  | 42  |   | 48  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.