Imaxe de cabeceira
Sabías que...

Traballos de investigación realizados polo alumnado e o profesorado, artigos sobre curiosidades, …

Artigos nesta sección:

Entre os días 9 e 22 de novembro celébrase en toda España a Semana da Ciencia neste Ano Europeo da Creatividade e a Innovación. Museos, Universidades, centros de investigación, parques tecnolóxicos ou empresas organizan exposicións, cursos, visitas, talleres, mesas redondas, excursións ou conferencias, achegando ao público en xeral o seu traballo diario, tanto os seus aspectos máis chamativos como os máis descoñecidos.

 

Eu são a Sara, uma aluna de língua Portuguesa. Esta é uma biografia sobre o jogador do Real Madrid Cristiano Ronaldo, melhor jogador do mundo, que como é portugués, fago ja nesta lingua. 

Nasceu na freguesia de Santo António Funchal, Ilha da Madeira. É o filho mais novo de Maria Dolores dos Santos Aveiro e José Dinis Aveiro, tem um irmão mais velho: Hugo, e duas irmãs mais velhas: Elma e Cátia Liliana.

Que son, ou mellor dito, que é a Worldskills? Este substantivo composto tradúcese como “habilidades” ou “destrezas” do “mundo”. De feito, esta é unha organización internacional que busca xente nova para competir naquilo que están estudando ou que se lles dá moi ben. Co fin de conseguilo, organiza competencias tanto a nivel nacional como mundial.

Os días 20 a 24 de abril deste ano tivo lugar a trinta e dúas edición das Olimpíadas de Formación Profesional en Madrid, promovidas pola Worldskills. O Ministerio de Educación, en colaboración coas CCAA, tamén impulsou a entrada de España en Worldskills e organizou este evento nacional.

As especialidades de competición son moi variadas: mecatrónica, carrocería, deseño web, instalacións eléctricas, control industrial, ebanistería, carpintería, perruquería, estética, tecnoloxía da moda, cociña, servizos de restaurante e bar, pintura de automóbil, soporte de rede, fontanería-calefactor, vehículos industriais, confección e moda e coidados auxiliares de enfermería.

Foron dezaoito os participantes galegos que competiron en trece das actividades. Os resultados foron espectaculares, pois gañaron medallas en seis destas materias:

-OURO: Sabela Garrido Comesaña (IES de Teis, Vigo)/PERRUQUERÍA.

Alba Pardo Fernández e Mª del Carmen Aldereguía Prado (IES Marqués de Suazes)/VEHÍCULOS INDUSTRIAIS.

Irene Márquez Fernández (IES Paseo da Pontes, A Coruña)/TECNOLOXÍA DA MODA.

-PRATA: Sara Suevia Barral Naviera (IES Paseo das Pontes, A Coruña)/TECNOLOXÍA DA MODA.

-BRONCE: Carlos Serramito Calvo (IES San Clemente, Santiago)/DESEÑO WEB.

Sandra Rey Novo (IES Paseo das Pontes, A Coruña)/ TECNOLOXÍA
DA MODA.

Os galegos que conseguiron as medallas de ouro, xunto co resto de españois que resultaron gañadores noutras disciplinas, forman o equipo Spainkills. Este grupo representou a España na competición internacional que tivo lugar en Calgary (Canadá) durante a semana do 1 do pasado mes de setembro. Dita competición conta con cincuenta e dous países asociados. Aínda así, os resultados acadados polos nosos compatriotas tampouco estiveron nada mal: Sabela Garrido quedou no posto dezaseis na modalidade de perruquería e Irene Márquez, pola súa banda, situouse no posto número doce na rama de Tecnoloxía da Moda.

Os nosos compañeiros non estaban sós, pois, ademais doutras moitas persoas, o ministro de Educación, Ángel Gabilondo, visitou o campionato interesándose polos participantes e expertos da nosa comunidade.

Os subcampións da competición española, pola súa parte, formarán o equipo representativo da península na competición europea que terá lugar en Lisboa (Portugal) no 2010.

Amais destes campionatos, en España celebrouse tamén a Mostra de Formación Profesional, onde Galiza participou con postos na modalidade de Actividades Marítimas e Pesqueiras, e no institucional da Consellería de Educación e Ordenación Universal.

Dende aquí dámoslles moitos ánimos aos nosos Spainkills e parabéns por chegar a onde chegaron.

Recentemente o profesor de matemáticas e membro do EDNL do IES Felix Muriel, Xosé Manuel Lobato , presentou en Rianxo o seu libro “Retorno á natura” con ilustracións do tamén profesor de plástica Alfonso Martínez. Dous alumnos de 1º de ESO fixéronlle a seguinte entrevista.

 

Constante Gil Rodríguez naceu en Taragoña ( Rianxo), o 26 de Marzo do 1926. Formouse como pintor no Estudo de Felipe Brea Romero e en 1948 trasladouse a Valencia, onde ingresou na Escola de Belas Artes de San Carlos.

 

No 1956 fíxose cargo de Antiga Cervexería Madrid, creada no 1900, como hostaleiro e propietario alí creou en 1959 << Auga de Valencia>>, un combinado a base de cava, zume de laranxa, vodka e xenebra. Utilizou a  Cervexería Madrid durante moitos anos como o seu propio museo, no tempo que  promoveu nela diversas tertulias literarias e artísticas.

 

En 1996 no Centro Europeo das Artes de París seleccionou tres das súas obras e expuxo no centro de cultura de Toulouse (Francia), no salón Ville d,Agen (tamén no país galo), en A Casa de O Coxo(A Coruña) e no Museo de Rianxo.

 

As súas obras encóntranse nos museos e coleccións privadas de Gran Bretaña, Italia, Francia, Alemaña, Suíza, EE.UU, México, Noruega, Canadá, Australia, Xapón, Arxentina, Polonia e Rusia.

Isto é tan só un pequeno exemplo dalgunhas das 24 motivacións ou temáticas distintas que atopei na miña investigación sobre a litonimia galega.

      Contan que certo día andaba un veciño arando coas vacas no lugar das das Traves cando observou que  un dos animais se afundía e que mesmo o tragaba o terra. E que ao cabo,  houbo que sacar a vaca daquel buraco. E din que a curiosidade picou aos chairegos de Vilalonga e que andaron un cacho polo furado que descubriu a vaca, mais que pillaron medo e que fuxiron.

           

     De feito, aquel buraco daba a unha canle pola que aseguran que baixaban os mouros e os fenicios buscar auga. E sábese que desde a Fonte de  Arriba de Viladonga parte unha calzada moi ben empedrada, e que  a fonte mesma se remonta a tan remota época.

           

      O caso foi que a furada acabou tapándose, mais aínda se nota, e que é coma o túnel do tren. E saben os labregos de por alí, que cando as agras estaban a centeo había  tiras nas que non medraba o froito debido aos pasadizos que percorrían o chan.

 

        Nas Trabes, máis concretamente na leira de Ramón de Palmeiro, todo o mundo sabe que existe unha boca pola que os mouros levaban beber aos cabalos.

       

       E que entrando na Eira Grande do castro, á man dereita había un pozo con catorce pasos moi ben feitos, coma os dunha casa, e por eles botaban os nenos pedras a rolar, e seica se escoitaban retumbar dentro do burato. E aos rapaces dáballes medo pasar por alén da luz que entraba na oquedade. E nesa mesma Eira do castro os campesiños máis vellos teñen visto unha vila  coas paredes moi ben feitas de lousas asentadas… e cando esta terra estaba a cultivo tamén atoparon tellas, laxes e rodas de muíño… e contan que esa vila antiga foi Viladonga.

    

    E ao pasaren os pastores coas ovellas, víanse as chozas dos mouros, redondas e cadradas, e delas sacáronse as laxes para facer as casas e valados do Couto de Viladonga e Ansemar.

 

      Tamén contan que o Outeiro do Castro de Viladonga está oco por dentro e que na súa cavidade vive unha  galiña cos seus pitos de ouro, e que ás veces se escoita cacarexar a galiña e piar os pitos. E afirman que debaixo do Castro hai unha mina de ouro e que se entra a ela polo burato do camiño que leva á Eira Grande do Castro, e que  nunha ocasión Pepe de Palmeiro estaba arando na terra e viu que quedaba enganchada na súa grade un semicírculo de ouro como unha coroa, e que outro día unha vaca de Viladonga meteu os cornos por un furado dun valado e sacou con eles unha argola de ouro coma un colar, e que a vaca botou a correr… e que finalmente a colleron e fixéronse coa argola, e que foi unha gran ben para a casa.

 

       Un veciño de Couto de A relata que atopou entre as laxes dun valado un tubo de ouro que vendeu a un anticuario, e que no lugar das Trabes se atopou como un embozo dunha vaca cunha especie de rede, e din que  tamén era de ouro, e que na leira de Ramón de Palmeiro hai xa moitos anos que apareceran cachos de ouro, e que un veciño da casa de Rodao atopara unha grade de outro hai moito tempo e que coa súa venda lle veu de repente unha grande riqueza.

 

       En fin, aseguran os máis vellos que algúns paisanos do Castro de Viladonda  se fixeron ricos por conta do castro e do outro que alí deixaran os mouros, os seus lexítimos moradores.

Cada ano utilízanse 22 millóns de toneladas de aluminio, das que se recuperan e reciclan algo menos do 20%. O principal uso que se fai hoxe en día deste metal é nos botes de bebidas. Trátase dos envases con maior porcentaxe de reciclado de todo o mundo desenvolvido: cumpren todos os requisitos de reciclabilidade, xa que o proceso se pode repetir indefinidamente e fabricar novos botes enteiramente de material reciclado.

274 Artigos |   | 1  |   | 26  | 27  | 28  | 29  | 30  | 31  | 32  | 33  | 34  | 35  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.