Imaxe de cabeceira
Sabías que...

Traballos de investigación realizados polo alumnado e o profesorado, artigos sobre curiosidades, …

Artigos nesta sección:

A sonda Messenger da Nasa descubriu indicios da existencia de auga xeada nos polos de Mercurio. O achazo é sorprendente, xa que as temperaturas na superficie do planeta máis próximo ó Sol, poden superar os 400ºC. Non obstante, algúns cráteres nos polos de Mercurio encóntranse na sombra de maneira permanente, e ese factor convérteos no que os científicos denominan “Trampas de frío”.

Poñemos unha presentación que recolle a cada un dos galardonad@s no día das Letras Galegas. (Se queredes podedes descargar un PDF de referencia cin seis diapositivas por páxina que está no fondo do artigo

 Letras galegas caricaturas pak

 As palabras

Vén o ar ateigado de palabras,

cada mañán chamando aos nosos vidros,

para pór a xemolar son e semente.

O Premio Leixaprén, de recoñecemento á defensa e promoción da lingua galega, foi creado no ano 1999 a iniciativa do IES Poeta Añón de Outes e asumido pola Coordinadora Leixaprén de Equipos de Normalización Lingüística, que integraba distintos centros educativos das comarcas de Muros-Noia, Barbanza e arredores. A partir do curso 2011-2012, o premio pasa a ser organizado pola CGENDL, como unha actividade aberta á participación de todos os Equipos de Normalización Lingüística dos centros de Ensino de Galicia, coa intención de lle dar continuidade ao obxectivo central co que naceu.

Somos dúas alumnas que estudamos a ESO no IES Félix Muriel.
Chamámonos Cristina e Ana e en canto nos decatamos de que un dos
nosos profesores, Alfonso, fixera un cómic, dixémonos: Por que non
facerlle unha entrevista?

Pensade que non todos os días temos a posibilidade de atoparnos cun
artista tan preto da nosa vila, na aula de plástica do instituto de Rianxo.
Malia que nesta ocasión Alfonso non é nativo de Rianxo, o feito de
contar coa súa presenza dentro do profesorado do IES Félix Muriel, xa
é para a nosa vila, unha vila de escritores (Castelao, Rafael Dieste e
Manuel Antonio) e de gran riqueza cultural, unha alegría.

Así foi como por vontade propia e a iniciativa e colaboración de diversas
mestras, Tina (profesora de galego e coordinadora do equipo de
normalización lingüística) e Pepa (profesora de física e química e tamén
membro do equipo de normalización lingüística), que se encargou da
montaxe de vídeo, tivemos a oportunidade de entrevistar ao noso
profesor de plástica e autor dun gran cómic.

Tamén é para nós unha gran satisfacción ver o noso traballo, xa
terminado, colgado na páxina do IES Félix Muriel e como estamos
contentas co resultado da entrevista deixámosvos o vídeo para que o
vexades. (Está partido en dous cachos)

O pasado día 23 de marzo entregáronse os premios as mellores cartas de amor na aula de 3ºC.

O 23 de abril celébrase o día do libro, conmemoración internacional que ten como obxectivo fomentar a lectura, a industria editorial e a protección da propiedade intelectual a través dos dereitos de autor. A elección desta data non é casual pois conmemora a morte en 1616 de dous grandes autores: Cervantes e Shakespeare (aínda que a realidade non é exactamente así: Cervantes morreu o 22 e enterrouse o 23, mentres que Shakespeare morreu o 23 de abril do calendario xuliano, que correspondería en realidade ó 3 de maio). A eles súmase nesta data a morte do Inca Garcilaso de la Vega, escritor e historiador peruano, recoñecido por ser o “primeiro mestizo” que foi capaz de asumir e conciliar as súas tradicións culturais: a indíxena americana e a europea. En España conmemórase esta data dende principios do século XX, e ademais faise coincidir coa entrega dos prestixiosos Premios Cervantes, un dos maiores galardóns outorgados aos autores hispanos. En Cataluña o 23 de abril celébrase tamén o día do seu Patrón San Xurxo (Diada de Sant Jordi) que, ademais, ten un carácter reinvindicativo da cultura catalá. Nesta data forma parte da tradición regalar un libro e unha rosa á parella ou persoas queridas. A UNESCO (Organización das Nacións Unidas para a Educación, a Ciencia e a Cultura) promulgou a celebración desta data con carácter internacional en 1995. Dende 2001 cada 23 de abril diferentes capitais do mundo son nomeadas Capital Mundial do Libro, realizando distintas actividades culturais (en bibliotecas, museos, rúas…) relacionadas co libro. Durante 2011 foi Bos Aires a capital que desempeñou este cargo e o próximo 23 de abril será substituída por Ereván, capital de Armenia. A elección desta cidade de Ereván foi motivada pola calidade e variedade do programa proposto, “moi detallado, realista, ancorado no tecido social da cidade, centrado en aspectos universais e coa intervención de todos os actores da cadea do libro”, segundo os membros do comité de selección composto por representantes das tres principais asociacións internacionais do sector do libro e a edición, así como da UNESCO. Ademais desta celebración do día do libro hai outras datas que merecen ser destacadas como: o 2 de abril (Día internacional do libro infantil e xuvenil), o 19 de marzo (Día mundial da poesía) ou o 17 de maio (Día das letras galegas).

282 Artigos |   | 1  |   | 18  | 19  | 20  | 21  | 22  | 23  | 24  | 25  | 26  | 27  | 28  |   | 36  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.