Imaxe de cabeceira
Sabías que...

Traballos de investigación realizados polo alumnado e o profesorado, artigos sobre curiosidades, …

Artigos nesta sección:

Dende hoxe día seis de novembro ata o domigo 11, o mundo enteiro, instado polas Nacións Unidas, celebra unhas xornadas que defenden unha maior impliciación da ciencia na paz e no desenvolvemento.

Só uns poucos acadarán a meta… Comeza o pistoletazo de saída no paritorio. Os familiares emocionados preguntarán a vocación do cativo: que vai ser médico, arquitecto ou enxeñeiro? Ai non… Que saíu muller. E de nome, cal vos deron no rexistro? E.562? Éche ben bonito!

"O diñeiro é poder" é unha afirmación que todos coñecemos, mais penso que non é de todo certa. O diñeiro non ten poder, dámosllo, sobrevalorámolo, e isto é o que, na miña opinión, está a estragar a humanidade, máis do que xa a estragou. Os cartos modifican a personalidade e poden volver ós individuos máis humildes en portentosos estafadores, ó neno máis sinxelo, nun cativo mimoso e choromicón, e ó político máis sensato, nun soberano da corrupción. Pregúntome se este problema de identidade definida polo asunto monetario non se podería arranxar cunha boa educación baseada en valores e máximas universais dende que nacemos. Partindo disto, voume permitir a crítica ao pobo iugoslavo polo seu comportamento ante a situación que se lle presentou arredor do ano 2000 tras a derrota democrática de Slobodan Milosevic a mans de Vojislav Kostunica. O ex-presidente foi acusado de crimes contra a humanidade, mais non foi levado a xuízo ata que, a comezos do ano seguinte, Estados Unidos ameaza a Belgrado con denegarlle unha partida de cincuenta millóns de dólares se Milosevic non é levado ante os tribunais. Tras isto, o goberno de Kostunica inicia a detención do tirano. Segundo a miña exposición dos feitos, nesta historia existen dous e só dous personaxes, un é o malo cun cabalo non tan lento, Milosevic, e o outro o salvador, o heroe, o pacifiador, ó que cando lle fan un primeiro plano, os rubios cabelos, relócenlle co fulgor de cincuenta estrelas, ou simplemente, o goberno de Estados Unidos. Non sufrín un erro de cálculo, hai dous e só dous protagonistas… Iugoslavia é unha folla en branco. É unha folla en branco porque o seu destino é escrito por terceiros. Tentei entender os "comprensibles titubeos" do goberno do presidente Kostunica; supuxen as súas deducións como as seguintes: “Milosevic é malo, de feito é moi malo, máis ben é malísimo. Haino que castigar por todo o que fixo e así conseguir unha democracia real… Mais os seus aliados son fortes… E a verdade, últimamente, non me molesta moito… O mellor é deixalo estar e olvidármonos del’’. Pero chega Estados Unidos e…: “Quero cartos! Necesito cartos! Así que vou obedecer a USA e axustizar a Milosevic… Pero fágoo porque é malo, malísimo´´.

Quizais sexa unha sátira excesiva, mais tamén e excesivo o poder do diñeiro, e todos calamos e ficamos coa cabeza baixa… E deberiamola abaixar ,sí, pero por vergoña.

 

O IV CURSO DE

FORMACIÓN SOBRE O PATRIMONO LÚDICO vaise celebrar na Illa de Arousa e está centrado especialmente nos xogos tradicionais da costa, así que seguramente sexa do interese de moitos de vós.

Entre outras actividades, os asistentes aprenderán a navegar, con

integrantes da Asociación Cultural Dorna, en embarcacións tradicionais,

entre elas a propia dorna.

Nota para profes: o curso conta coa homologación oficial da Consellería de Educación a todos os efectos.

As prazas son limitadas, así que chamade canto antes!

Grazas a todos os alumnos e familiares que axudaron a reunir moitos dos tapóns que serviron para recaudar cartos para Paula.

Datos sobre o Congo:

•     Poboación : mais de 70 millóns de habitantes

•     Esperanza de vida: 47 anos

•     Superficie: 2.34 millóns de quilómetros cadrados

•     Capital: Kinshasa

•     Presidente: Joseph Kabila

Ollade como os galegos con tan só unha soa palabra podemos sacar unha chea de frases feitas , usadas polos galegos a cotío.

Resignación: Ai que carallo !
Indignación: Que carallo !
Pitorreo: Bueno,carallo,bueno!
Desprante: Vai o carallo!
Inquisitivo: Que carallo é?
Contrariedade: Tócate o carallo!
Ofensa: Este carallo e parvo!
Tempranza: Cálmate, carallo!
Ameaza: Ven carallo, ven
Negación: Non carallo non!
Negación Rotunda: Non carallo non!
Xuramento: Mecajo no carallo!
Ira: Mecajo no carallo , carallo!
Alabanza: Ë un home de carallo
Duda: O carallo vintenove
Extrañeza: Pero , Que carallo pasa?
Desprezo: Pasamo por debaixo do carallo
Animoso: Dalle, carallo, dalle
Caprichoso: Saíume do carallo
Cualitativo: Non vale un carallo
Valorativo:  Róncalle o carallo
Fatalidade: Ten carallo a cousa..!
Agotamento: Xa estou ata o carallo
Picardia: O caralliño
Meteoroloxía: Fai un tempo do carallo
Lexanía: No quinto carallo
Sorpresa: Manda carallo.

275 Artigos |   | 1  |   | 15  | 16  | 17  | 18  | 19  | 20  | 21  | 22  | 23  | 24  | 25  |   | 35  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.