Imaxe de cabeceira
Nós, normalizando

Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.

Artigos nesta sección:

A coordinadora galega de equipos de normalización e dinamización lingüística lanza a campaña:

"Orgullosos do noso, orgullosos do galego"

Benvida, benvido. Este é un espazo onde queremos mostrar o orgullo que temos os galegos e as galegas pola nosa lingua. Sexa cal sexa a cor da nosa pel, onde naceramos, de quen veñamos sendo, ou se nos gusta máis a lúa ou o sol, somos moitos e moitas os que estamos orgullosos de termos unha lingua propia. Aquí encontrarás videos, materiais para imprimir e distribuír como queiras, cando queiras e con quen queiras, e moitas, moitas persoas coma ti que presumen da nosa lingua, do galego.

http://www.youtube.com/v/Yt21eN_uW3k&hl=en_US&fs=1&"></param><param

Alumnado e profesorado do noso IES participou na rolda de prensa celebrada pola Coordinadora de ENDL do Barbanza, da que formamos parte. A nosa compañeira de 2º de Bacharelato Esther Dominguez e mais outra rapaza do IES Leiliadoura falaron representando ao alumnado da comarca, compartiron mesa co presidente da CENDL e con dúas nais.

Un autobús totalmente cheo saíu de Rianxo as 10.00h do dia 21 de xaneiro de 2010 cara Santiago con un unico compromiso: apoiar o galego no ensino.
O autobús estaba repleto maioritariamente por mocidade. Levamos unha pancarta co lema “Mexan por nós e temos que dicir que chove!”, levamos ghaiteiros, pandereteiras, etc, e grazas a iso fixemos resoar a Rianxeira no medio da manifestacion. Non puidemos entrar ao Obradoiro pois ESTABA CHEO! Moitisiiiima xente quedamos fóra. Hoxe gritamos como nunca!

Adxunto unha foto de algúns dos que fomos a Santiago, pois reunir a 60 persoas despois da manifestación de 60.000 persoas era moi difícil.

Agradecémoslle o traballo tan interesante que fixo este profesor e que reproducimos aquí para que todos e todas teñamos máis claras moitas cousas.

No blog da biblioteca do IES Nosa Señora dos ollos grandes de Lugo, colgaron esta presentación sobre o novo decreto que nos parece moi interesante. Por iso vola reproducimos aquí.

Por terceiro ano consecutivo o ENDL do IES “Félix Muriel” de Rianxo consigue un recoñecemento ao seu traballo co premio de Innovación en Normalización Lingüística

 

Os sete centros galardoados deste ano foron o CEIP Aguiño, de Ribeira, por Mar de mulleres asolagadas; o CEIP A Gándara, de Carballo, co proxecto Mergullados nos mares da palabra; o CEIP A Pedra, de Bueu, polo traballo Galegos e galegas de aquí e acolá; o CEIP Bergantiños, de Carballo, que se presentaron con Casas de aquí e acolá; o CEIP Quintela, de Moaña, por En galego pola rede; o IES Menéndez Pidal, da Coruña, polo proxecto A aldea global: Galicia é máis Galicia cando é todos os mundos; e finalmente, o IES Sardiñeira, tamén da Coruña, premiado por LinguaTIC@s.

Debido á calidade e á cantidade de proxectos presentados este ano, concedéronse un total de catro accésits. Estes recoñecementos foron para o IES Félix Muriel, de Rianxo, polo traballo Abrindo portas en galego; para o IES Perdouro, de Burela, que presentou o proxecto Dinamización Lingüística de Burela; para o IES Rodeira, de Cangas, que fixo Vivir en galego. Queremos. Podemos; e mais para o IES Porto do Son, de Porto do Son, polo traballo 2010. Vinte dez.

Anxo Lorenzo, secretario xeral de Política Lingüística, e José Luis Mira, director xeral de Educación, Formación Profesional e Innovación Educativa, destacaron tanto a calidade dos proxectos deste ano coma o número de traballos presentados, un total de 68, o que supuxo un aumento do 340% respecto da media dos anos anteriores, situada en 20 proxectos.

Lorenzo salientou "os contidos que o xurado considerou especialmente interesantes", que foron a introdución do audiovisual nas aulas, o achegamento ás novas tecnoloxías, a aproximación á lingua galega en todas as manifestacións posibles e a posta en valor do multilingüismo. Así mesmo, o responsable de Política Lingüística recordou que os proxectos para fomentar a lingua galega, que parten principalmente dos equipos de normalización e dinamización lingüística, constitúen "actividades que teñen que ver con toda a comunidade educativa".

Pola súa parte, José Luis Mira puxo en valor o traballo dos centros educativos e destacou "a necesidade de mellorar a competencia lingüística dos alumnos, que debe implicar a todo o profesorado, axente clave deste proceso e peza angular do proceso educativo".

          

 

        A Coordinadora de Equipos de Normalización Lingüística do Barbanza, constituída hai tres cursos e formada por representantes de centros de ensino de todo tipo, deu a coñecer onte vos nomes dás entidades que se fixeron acredoras da segunda edición dous Premios Anticiclón e Borrasca, que son, respectivamente, un estímulo e un tirón de orellas para empresas e institucións de todo tipo afincadas na comarca en función do uso que fan do galego. Nesta ocasión, centrada non eido do comercio, ou Centro Comercial Aberto O Deán fíxose co galardón ao apoio e uso normalizado do idioma autóctono, mentres que ou Borrasca foi para ou supermercado Haley.

460 Artigos |   | 1  |   | 45  | 46  | 47  | 48  | 49  | 50  | 51  | 52  | 53  | 54  | 55  |   | 58  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.