Imaxe de cabeceira
Nós, normalizando

Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.

Artigos nesta sección:

O pasado 21 de novembro deste mesmo ano, publicouse unha sentenza do Tribunal Superior de Xustiza de Galicia (TSXG) que declara ilegais algúns dos apartados do anterior Decreto de Plurigüismo aprobado en Maio de 2010. Máis concretamente, os puntos 5.2 e 12.3 nos que se manifesta que nas clases de ensino non universitario, o alumnado poderá utilizar a lingua oficial oral e escrita que prefira, e tamén será elección dos pais a lingua oficial que se empregará polos docentes nas aulas de educación infantil. O TSXG explica, na sentenza, a ilegalidade destes apartados ao incumplir a Lei de Normalización Lingüística (LNL) aprobada no 2004, que declara a necesidade de impulsar e garantir a aprendizaxe básica da lingua galega, e xa que logo, débese impulsar o seu uso, sobretodo nos ámbitos educativos. Co novo decreto este uso non se garante, ao deixar a libre elección a lingua que se empregará no ensino básico, elección que debe facer a Administración, sempre respetando os principios da LNL, para así protexer e desminorizar a nosa lingua. Unha vez máis vemos os constantes ataques que o actual goberno dirixe a lingua, chegando incluso a incumplir a lei. Pero grazas ás denuncias de colectivos como a Confederación Intersindical Galega do Ensino e a Mesa conseguiuse desbotar e frear este ataque. Tanto a mobilización destes colectivos como a resolución do TSXG demostran que as actuacións activas en defensa da lingua galega acadan resultados positivos e satisfactorios para a propia lingua. Por iso, o que debemos é mobilizarnos freando estes ataques, no canto de aceptalos sen máis.

O Tribunal Superior de Xustiza de Galicia, invalida dous artigos do Decreto do plurilingüismo da Xunta. E outro punto que lles permitía ós alumnos usar a lingua da súa preferencia na aula. As reaccións non se fixeron esperar por parte do pobo.

Chega o mes de decembro co Nº 3 de Ollos de aula, a revista que edita a CGENDL para as familias do alumnado. O reforzo educativo, os xoguetes do Nadal ou o Informe do Consello Europeo sobre a política lingüística da Xunta son algúns dos contidos que atoparedes neste Ollos de aula

No noso centro difundimos a revista mensual Ollos de Aula (revista para as familias) desde que saíu o número 1 tanto entre a comunidade educativa como fóra dela.

En concreto tentaron anular o artigo 5.2, no que se estipulaba a realización dunha enquisa entre os pais e nais en Educación Infantil que supuxo por exemplo o varrido do galego no 96% dos centros de infantil das cidades, e o 12.3 no que se establecía que o alumnado podería usar na aula a lingua da súa preferencia, neste caso porque é contrario ao desenvolvemento da Lei de Normalización Lingüística e ao fomento do uso do galego.

A CIG-Enseino reclama a derrogación completa do Decreto de Plurilingüismo e pide un novo decreto que recolla os obxetivos e as propostas do Plan Xeral de Normalización Lingüística aprobado no 2004.

O BNG ademáis de pedir a derrogación do Decreto do Plurilingüismo e o cesamento do conselleiro de Educación en funcións, tamén lle pide ao goberno que reterne ao consenso que existiu cando o Parlamento Galego aproboi o Plano de Normalización Lingüística, o cal rachou unilateralmente ao aprobar a primeira lexislación da historia do país que supuña un paso atrás no estatus do galego nas aulas.

A Consellería de Educación afirmou o seu respecto pola sentenza pero considera que o TSXG axuda o equilibrio enre o galego e o castelán. Sobre a anulación do artigo 5.2, declarou que a Administración sempre debe actuar apoiando e dacordo co que queren as familias.

A consulta aos pais, agora eliminada, provocaba que cando o 40% das familias urbanas elixira que os seus fillos aprendesen en galego, eran contados os centros nos que esa opción era maioritaria polo que practicamente todas as aulas de educación infantil en Galiza se imparten en castelán. Sobre isto, o TSXG afirmou que a Administración non pode abdicar das súas responsabilidades e que a elección de lingua no ensino fica fóra da esfera de elección dos pais. Para A Mesa a sentenza deixa claro que “o galego terá que regresar a educación infantil das cidades”

Sobre o artigo 12.3, que a sentenza describe como “ilegal” ao permitirlle ao alumnado a utilización do castelán malia que sexa o galego a lingua en que se imparte a materia. A TSXG di que este punto do Decreto contradí o mandato da Lei de Normalización no seu artigo 12.3 que esixe o fomento do uso progresivo do galego xa que non facilita a adquisición da destreza esixida ao alumno na lingua desta Comunidade Autónoma. A Mesa lembra que o principio de que nas materias que se impartan en galego deba utilizarse a lingua galega foi un dos elementos en que se centrou o actual goberno para atacar o decreto de 2007.

O TSXG salva o resto dos puntos do decreto pero afirma que o galego debería ter un trato diferenciado sobre o castelán nunha proporción razoable para que exista igualdade entre dous idiomas oficiais.

En resumo este decreto implica a desaparición do galego nas materias técnicas e tamén imposibilitou que os nenos de Educación infantil puidesen comezar a súa vida escolar en galego. Censuraron a desprotección do idioma máis débil e ademáis isto empeorará máis aínda os resultados do informe do Comité de Expertos do Consello de Europa que denunciou hai unhas semanas a discriminación na que se atopa o galego e os seus falantes.

Os expertos do Consello de Europa móstranse preocupados pola redución do galego nas escolas e lémbranlle ás autoridades que é necesaria a existencia de un número suficiente de escolas que ofreza unha educación completamente en galego.

Dende o 23 de outubro ata o 10 de novembro pudemos disfrutar no Auditorio de Rianxo da exposición de Deli Sánchez, pinturas da Terra. Esta exposición representaba as cores e moitas paisaxes de Galiza a través dos ollos de Deli Sánchez. Ademais de Deli, tamén tivemos en Rianxo nas mesmas datas a exposición da poeta Helana Villar Janeiro: Soños de auga. Era unha exposición de fotografías. Detrás da súa camara, Helena conseguiu reflexar en nove fotografías o que expresa a auga como tránsito da mirada, e facernos descubrir espazos ocultos e cotiáns.

Dúas especies descendentes dun mesmo antepasado, autóctonas das augas atlánticas e mediterráneas, habitan actualmente na península Ibérica. O galego adaptouse ao clima e terreo do noroeste, mentres que o castelan fixo da meirande parte restante da península o seu hábitat.

474 Artigos |   | 1  |   | 30  | 31  | 32  | 33  | 34  | 35  | 36  | 37  | 38  | 39  | 40  |   | 60  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.