Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.
Logo de ver os documentais sobre o uso da nosa lingua no ano 2008, e de recoller datos nos informes do IGE sobre a situación da lingua galega na actualidade e comparándoo co
anterior informe deste Instituto cheguei á conclusión de que non hai futuro para a lingua
galega.
Actualmente, a mocidade galega fala cada vez menos galego, debido a que é posible
desenvolverse social e academicamente e a que temos máis prestixio se falamos o castelán, porque é considerada a “lingua de moda” ou de “cidade”, ca que podemos chegar máis lonxe.
A parte dos prexuízos sobre a lingua, o problema da diminución de falantes ven tamén
porque é posible vivir en Galicia e non utilizar nunca o galego, porque non é necesario para
a vida cotiá. Tamén no caso da mocidade ante o ascenso de falantes en castelán, resulta
moi difícil manterse falando unha lingua diferente.
Dentro do mundo actual existen moitas linguas diferentes, cada unha delas cunha identidade e cunha cultura e tradicións propias, que son as que fan que exista a diversidade cultural. Se comezan a rexeitar estas linguas, a deixar de falalas e a substituílas por outras acabaremos nun mundo onde se fale unha única lingua, un mundo no que non haxa diferencias culturais, no que non haxa diferentes interpretacións da realidade. E isto está sucedendo co galego, se deixamos de falar o galego en Galicia, perderemos a nosa cultura, o que nos fai diferentes.
Ao longo da nosa historia, existiron diversos persoeiros que defenderon a nosa cultura e tentaron por todos os medios dignificar e ampliar o uso da nosa lingua. Ano tras ano estudamos estes nomes: Castelao, Rosalía, Vilar Ponte, Risco, Pedrayo, etc. e admiramos as súas accións de loita, mais, son eles os únicos heroes da nosa lingua? Os únicos que día a día teñen que sufrir o desprezo dos ignorantes e facerlle fronte? Por suposto que non. Nós mesmos, cada vez que alzamos a voz para defender os nosos dereitos como galegofalantes, convertémonos en heroes, xa que hoxe en día, isto non é unha tarefa doada.
Aldara ten dezanove anos, é monolingüe en galego e estuda industria alimentaria na Coruña. Alí, a maioría de persoas coas que se relaciona día a día son castelanfalantes,
Comeza a campaña de Nadal e como todo se enche de luminaria e simboloxía propia da época, decidimos este ano meternos nese mundo para provocar a reflexión sobre o uso da
Por Miguel Iglesias Sanmartín (2ºPCPI)
Moitas persoas que levan toda a vida falando galego comezan agora a falar castelán, segundo eles din, para “poder ter futuro”, xa que pensan que co galego “non vas a ningures”.
Ultimamente, o galego non está pasando o seu mellor momento e a moitos dos galegofalantes non se lles ocorre mellor idea que cambiar de idioma, moitos deles falan castelán agora mesmo e fano con desprezo cara o galego, porque pensan que non ten futuro.
Eu aprobo que cada quen fale o que queira, pero non podo entender que alguén deixe de falar deixar o idioma que falaba só porque crea que non ten saída. Considero que é un gran erro.
Moitas persoas maiores, que hoxe se sorprenden da liberdade que temos para poder vivir en galego, se queremos, quedan escandalizadas cando se decatan de que a xente deixa de falar galego; pois moitos deles no seu tempo non podían facelo e aínda así non deixaron de falalo; por iso agora non entenden que o abandonen porque o castelán estea mellor visto.
A celebración do Samaín no IES Félix Muriel adoptou este ano un aire máis serio ca outros anos.