Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.
Esta semana pasada, na edición do 5 de marzo, o xornal “Sermos Galiza” publicou unha entrevista feita a Gonzalo Constenla sobre a tradución en galego . Nela, fálase do importante papel que a tradución ten na normalización da nosa lingua, xa que é unha maneira de comunicación con outras linguas e culturas, ao mesmo tempo que achega aos propios galegofalantes obras da literatura universal, ás que normalmente accedían mediante o castelán. Destácase
O outro día, nunha entrevista para Irmandades.tv o reporteiro preguntoulle a uns mozos que qué pensaban das medidads tomadas polo goberno para defender o galego. Eles, sorprendidos, respondían que non coñecían ditas medidas, é máis, non sabían da súa existencia.
Por Jennifer Lorenzo Creo (2ºBAC B)
Unha guerra interminable, batallas gañadas pero moitísimas perdidas. Si! Estou falando da nosa lingua o galego. En pleno 2015 as cifras non melloran con respeto o número de galego falantes, ben é certo que se avanzou moito na normalización da lingua pero non o suficiente… pois os prexuízos arraigados notoriamente na sociedade galega e incluso española increméntanse con moita forza.
Aquelas persoas que si son galegofalantes e intentan salvar unha lingua milenaria, non só se teñen que enfrontar a aquelas persoas que estigmatizan a lingua, aquelas que diante dunha cámara falan galego (en certas ocasión) pero na súa vida cotiá utilizan o castelán, desprestixiando a nosa lingua nai, se non que teñen que facer fronte os medios de comunicación (en castelán), videoxogos (en castelán e inglés), prensa (en castelán) televisión (en castelán) redes sociais (en castelán e inglés)… estase así; probablemente nunha situación tan crítica do galego como, na época franquista pois nesa época estaba prohibido falar a nosa lingua mais os galegofalantes estaban aí e na actualidade si se fala o galego aínda que o número de galegofalantes diminúe.
Ignotus (pdf)
Por Nerea Grela
Cando era pequena emocionábame o 14 de febreiro, non sei, un día no que todo parece perfecto, no que os problemas ou non che invaden ou che doen menos; pero iso só pasaba cando era pequena. A medida que fun medrando funme dando conta de que o 14 de febreiro non é máis que un mero día comercial no que o Corte Inglés e catro establecementos máis se forran cunhas merdas de artículos que poñen a prezos á altura das nubes e despois estamos en crise, ollo. Aínda que no fondo sofres porque vés a todo o mundo feliz e contento namorados de alguén que lles corresponde e logo estás ti, soa.
Pero ben, eu tamén estou namorada e ese amor éme correspondido, pois ela estivo comigo dende que nacín; grazas a ela podo comunicarme, grazas a ela podo sentir o calor dun aloumiño de alguén, grazas a ela podo bicar, podo falar, podo sentirme querida, podo dar agarimos e recibilos, podo sentir morriña cando estou lonxe da miña terra; podo facer milleiros de cousas, pero algo do máis importante é que podo dicir “quérote” porque ela mo ensinou. Así que aínda que o día de hoxe me pareza unha tontería tamén quero expresar o meu amor a ela, á miña lingua, porque sei que nada nin ninguén ma vai arrincar porque estaríanme arrincando toda a miña vida, xa que ela estivo comigo dende o meu principio e seguirao estando ata o final.
Grazas por ser tan fermosa e tan útil aínda que moitos non teñan empeño en valorarche, quizais é porque es demasiado importante e valiosa e eles demasiado mexericas como para que formes parte das súas vidas, pero na miña sempre serás a máis importante, porque estou namorada de ti, miña querida lingua galega.
É hoxe sábado, 21 de febreiro, o Día internacional da Lingua materna, mais no noso IES celebrámolo onte venres. Quixemos este ano realizar unha actividade dinámica e divertida durante os recreos que ademais servise para que a comunidade educativa se concienciase do que supón a perda de transmisión da lingua. 
Post-it de colores nos que se poñían os desexos cara á lingua, nos que lle mandaban mensaxes de amor ou nos que se asinaba algún compromiso cara á lingua materna a cambio dunha piruleta de color azul.
A actividade tivo inmenso éxito de participación e todo o centro luciu entre os dous recreos as súas linguas azuis
Busco amante galegofalante. Namórame! Ese foi o lema que empregamos este ano para celebrar o Mes do amor , que tradicionalmente desde hai anos é febreiro. Comeza na Candeloria e remata con San Valentín. E no centro este ano, ademais démoslle un toque literario , coa axuda do ENDL do IES Castro Alobre de Vilagarcía
