Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.
Tal e como comentamos no artigo anterior,
cos ”pensamentos” ou frases xa míticas de Castelao, deseñamos dúas figura de 1,50 de alto e 70 de largo que expuxemos na entrada do edificio para que dean a benvida ao noso centro.
O alumnado de segundo de Bacharelato tamén estivo varias semanas, durante os recreos, preparando dous cadros coa simboloxía máis característica do autor rianxeiro. O pasado xoves pasaron a ocupar a parede da entrada do edificio principal.
Onte, venres 29 de xaneiro, tivemos unha xornada moi especial no IES para rematar a Semana de homenaxe a Castelao coincidindo co aniversario polo seu nacemento. Durante o mes de xaneiro, no que lle dedicamos moito tempo no ENDL a traballar co Castelao artista, seleccionamos ata vinte e tres frases que recollen o pensamento do ilustre rianxeiro. Imprimimos a selección en pequenas cartolinas e espetámolas nas macetas destas plantas chamadas pensamentos.
Esta actividade pechaba as actividades de exposición da obra plástica de Castelao, así como o traballo de deseño nos azulexos dos que falamos no artigo anterior.
Por Uxía Rial – 1ºBach Todas as linguas teñen a súa orixe e a súa particular evolución, todas e cada unha delas narran unha historia, é por elas que conservamos e sabemos hoxe en día parte do noso pasado, fermosas fábulas e contos, que de non ser redactados non coñeceríamos nos tempos actuais debido á […]
Por Abel Troáns (2º Bac.) Veño de ler un artigo ben interesante sobre os distintos significados atribuídos á palabra que nos define. O termo “galego” é unha palabra tomada como nosa, xa que en principio refírese á lingua de Galiza e aos nados neste terreo. Nembargantes, que pasa se buscamos o significado desta nos distintos […]
por Yaiza Otero – 1ºBach
Gustaríame saber que persoa ten o poder, o criterio para decidir que unha lingua é de primeira ou de segunda. De verdade cremos que hai linguas superiores a outras? Que patrón seguimos para clasificalas, o número de falantes? Que nos gusten máis ou menos? Que a falemos ou non?
Desprezar unha lingua, sexa polo motivo que sexa, é desprezar unha cultura, un pobo. Ningunha lingua é superior a outra. Hai linguas que teñen máis falantes e linguas que teñen menos, pero non porque unha sexa mellor que a outra, en absoluto. Que unha lingua sexa minoritaria non implica que mereza menos repecto que unha maioritaria.
E xa que se mencionan os termos, habería que recalcar que moita xente confunde “minoritaria” con “minorizada”. Non é o mesmo unha lingua con poucos falantes que unha lingua que é desprestixiada polos seus falantes por diversos motivos. Que unha lingua sexa minorizada, como o galego, non implica que sexa minoritaria. Galego, vasco e catalán son linguas minorizadas polos seus falantes, que consideran lingua de prestixio o castelán. Quere dicir isto que o castelán é mellor que o galego? Non, nin moito menos. Estas catro linguas son igual de respectables, ningunha delas é mellor ou peor.
Andarás comprando agasallos e se cadra non atopaches aínda o que buscabas…. Mira na páxina de agasallo.eu Nesta web recóllense un lote de ideas para regalar en galego: un galegoke, uns calcetíns, un lapis de memoria, libros, discos e ata xenebra!
E a calquera agasallo lembra poñerlle un dos adhesivos que recolliches na mesa que puxemos no ENDL cos diferentes modelos