O Castro de San Cibrao De Las é o máis grande de Galicia

Despois de ler o artigo anterior que describe a saída a Santiago que realizou o alumnado de portugués do IES Félix Muriel para asistir a unha clase de portugués, podedes ler agora as súas opinións.

O pasado día 30 de xaneiro, o alumnado de portugués do noso instituto fomos de excursión a Santiago para asistir a unha clase en portugués na Facultade de Filoloxía.

Esta saída xurdiu porque algúns dos profesores de portugués da facultade, que o ano pasado viñeran a darnos unha charla ao noso centro, nos convidaran a visitalos cando quixeramos.

Saímos do instituto as 9.20h a pesar do mal tempo que facía pero as ganas podían con todo xa que tiñamos moito interese en saber como sería esa clase de portugués, se entenderíamos algo, como sería a universidade…

Para aproveitar a mañá, xa que a clase na facultade non comezaba ata as 12, fomos ó Museo do Pobo Galego, alí vimos donde estaban soterrados Rosalía e Castelao.Logo como aínda nos sobraba tempo antes de ir a Facultade o autobús deixounos no auditorio e alí tomamos e comemos algo para facer tempo.
Cando xa quedaba pouco fomos a pé ata a facultade. Recibíronnos no hall, onde nos distribuímos en grupos de dez máis ou menos e -xunto cos profesores de portugués- fixemos unha pequena visita. Fomos ó salón de actos, onde unha das profesoras nos comentou todas as distintas licenciaturas que se podían facer nesa facultade (portugués, galego, alemán, francés, inglés … ). Explicounos tamén de todas as partes das que contaba o edificio, dende a biblioteca, pansado pola cafetería , a  aula de informática ,etc.

Ó sair do salón de actos fomos á biblioteca donde nos separaron en grupos de 12 por mor de non molestar ós alumnos que se dispoñían a estudar. Nada mais entrar puidemos ver estantes cheos de libros e a alumnos ou ben estudando ou ben cada un no seu ordenador. A profesora explicounos que esa biblioteca estaba conectada coa biblioteca do campus de Lugo e que se se che facía falta un libro e estaba en Lugo recibíalo ó día seguinte.

Nada máis saír da biblioteca xa fomos directamente para a clase pasando antes pola aula de informática, a cal vimos dende a porta xa que non nos deixaron entrar .

Ó chegar á clase a profesora que nos acompañou durante todo a visita  presentounos ós distintos profesores que impartían portugués na facultade , e ó rematar coa explicación ,  o profesor Ulises comezou coa clase. El comezou falandonos un pouco del, díxonos que nacera en Brasil, peo era de pais brasileiros e italianos; o que amosa que a cultura brasileira é moi heteroxénea.

 O profesor tratounos como alumnos de todo o ano e deunos unha ficha coa que estaban traballando os matriculados. Lemos un artigo dun xornal brasileiro e a clase desenvolveuse ó redor deste artigo. O profesor pretendía que o comentaramos entre todos. El explicou as palabras que quizais non se entendían e logo fixo preguntas para os alumnos. Todos podiamos participar pero como é lóxico só responderon os alumnos habituais posto que a nós dábanos vergoña.
Ás 13.00 tivemos que marchar. Só saímos nós da aula posto que os alunos da facultade aínda tiñan outra hora máis de clase. Collemos o autobús e voltamos para o instituto.

Hoxe en día unha das maiores causas de empobrecemento dos países do Sur é o comercio, un mercado tradicional que se estende polo mundo e que causa desigualdades entre países e persoas. De feito, a maior parte dos produtos que empregamos na vida cotiá proveñen de dito mercado, dominado polas grandes e poderosas empresas multinacionais, pertencentes ao Norte e coñecidas por todos (Nike, McDonals, Benetton, Coca Cola, Samsung, Nestlé, Chiquita, Benz, Elf…). Coa súa cobiza, egoísmo e falta de escrúpulos acrecentan a pobreza, a explotación infantil, a discriminación cara á muller, a violación de dereitos humanos, pésimas condicións laborais, esgotamento dos recursos naturais…
Resolver esta situación forma parte dos principios básicos do Comercio Xusto, idea que xurdiu en Holanda hai uns trinta anos por parte dalgúns organismos presentes no Sur, con proxectos de desenvolvemento naqueles países máis pobres. Pretendía distribuír produtos comprados directamente a campesiños e artesáns para que se beneficiasen de todo o prezo pagado por eles nos países do Norte. Para iso seguíronse tres pasos: organizouse aos produtores en cooperativas capaces de recoller os seus produtos e exportalos directamente; logo, fundouse en Holanda unha cooperativa de importación que facía chegar os produtos; e por último abríronse puntos de venda propios chamados “Tendas do Terceiro Mundo” ou “Tendas da solidariedade”, precursoras doutras organizacións solidarias que xurdiron despois.
Trátase dun comercio alternativo ao tradicional, e que está ao servizo das persoas, tendo en conta valores éticos, sociais e ecolóxicos. Este tipo de comercio enténdese como un servizo recíproco, no cal, tanto os produtores como os consumidores quedan satisfeitos. Neste mercado as grandes multinacionais quedan fóra, mentres que os produtores en vías de empobrecemento, os consumidores solidarios e responsables e os intermediarios sen ánimo de lucro, pois elimínanse aqueles especuladores cuxo obxectivo sexa o enriquecemento ou lucro, gozan dunha nova relación, libre directa e honesta.
O IES “Félix Muriel” quixo participar nesta nobre causa e dala a coñecer. Para iso aproveitouse a época de compras impulsivas do Nadal. Fixéronse paneis explicativos. Tivemos o pracer de contar con dous monitores da ONG Panxea (www.panxea.org) que impartiron uns talleres sobre o Comercio Xusto en 2º de ESO. A maioría dos alumnos de 1º BAC-C fixémonos cargo da venta de produtos de calidade que se obtiveron nunhas condicións xustas de produción entre o Sur e o Norte: “quitapenas” de Guatemala, axendas solidarias, postais, bixutería, accesorios para o pelo, incenso (da India, de Tailandia…), velas, estoxos, moedeiros, xabóns, cremas, fulares, camisetas con divertidos e solidarios slogans e alimentos, como chocolatinas, pastillas de chocolate (con cereais ou abelás, de quinoa, negro, con leite, sen azucre, do Ecuador…), cafés (moídos, en grans, de Cuba, de México, de Colombia…), tés (verde, vermello…), caramelos, bebidas…
Cadaquén ten que ser responsable, se eliximos estes produtos estaremos promovendo un tipo de comercio que nos beneficiará a todos e podemos lograr que as cousas cambien.

O 27 de outubro de 2006 a Unión Astronómica Internacional (UAI) anunciou a declaración, por parte da UNESCO (Organización das Nacións Unidas para a Educación, a Ciencia e a Cultura), de 2009 como Ano Internacional da Astronomía (AIA-IYA2009).

Ola!
Chámome Lucía e teño 16 anos. Vou en primeiro de bacharelato por letras puras.
Encántame todo o relacionado co mundo da música e do cine.
Entre as miñas paixóns destacan escribir e cantar.
Considérome unha rapaza alegre, moi tímida, con bastante mal humor e moi infantil por veces.Á parte, odio a falsidade e a intolerancia.
Pois nada máis, espero coñecervos moi pronto!

Ola!

O meu nome é Lorena, teño casi 17 anos e curso primeiro de bacharelato polo itinerario de ciencias puras.
As miñas grandes paixóns son o baile e o debuxo. Gústame estar coas miñas amigas, a fotografía e a festa!
Non soporto a falsidade. Considérome unha rapaza extrovertida, bastante simpática e moi perfeccionista.
Iso é todo. Espero coñecervos a todos moi pronto!

A Misión Biolóxica de Galiza do Consello Superior de Investigacións Científicas (CSIC) ven de realizar un estudo no que conclúe que “as nabizas e os grelos son alimentos funcionais”. Un alimento  considérase funcional cando, ademais de destacar polas súas propiedades nutritivas, contén certos elementos, cuxo consumo diario dentro dunha dieta equilibrada contribúe a manter ou mellorar o noso estado de saúde e benestar. No citado estudo demostrouse que o grelo e a nabiza teñen propiedades anticanceríxenas e antioxidantes. A clave está na presenza dunhas sustancias denominadas glucosinolatos, que ademais de proporcionar o sabor amargo característico destas plantas son tamén as que gardan as súas propiedades saudables. O traballo analiza as variables que afectan ás propiedades agronómicas e as características organolépticas, a súa textura e o seu sabor e como lle afectan as características climatolóxicas  e como as diferentes técnicas de cociñado afectan ás propiedades nutritivas destas verduras.