Dúas alumnas do noso instituto, Helena Figueira Tembra de 1ºESO e Sabela Loureiro Coto de 2ºESO,  participaron no certame de recitado Rosalía sempre viva, que cada ano organiza a Fundación Manuel María en Outeiro de Rei. Elas foron as finalistas escollidas polo ENL, despois de superar varios recitados previos: na clase, no muro de Rosalía e no paseo de Rianxo, no marco dos actos de celebración do 24 de Febreiro, Día de Rosalía. A pesar de non resultar gañadoras, sentímonos orgullosas do labor que realizaron.

O alumnado do noso Club de Debate participou o venres 5 de abril na Liga de Debate celebrada en Negreira. Volvemos sen ningún premio, pero gañamos! Gañamos en resitencia, dignidade e coherencia. Gañamos o que aprendemos polo camiño. Medramos!

Grazas polo traballo, polo esforzo, pola entrega e a dignidade, Irene Creo, Paula Tubío, Xoel López, Sergio Fernández, Iván López, Mario Viñas, Andrea Sobradelo, Uxía Moares, Iria Vidal e, moi especialmente ao traballador incansale, Laure Figueira! Tamén á nosa acompañante Noelia Fernández! Grazas!

O Celta de Vigo continúa en postos de descenso, algo inimaxinable a principios de temporada, pois o equipo viña de pelexar por Europa nas pasadas edicións. Que esta sucedendo?

Primeiro, temos de falar dun proxecto que empezando polo presidente empezouse a desmoroar ca guerra entre Abel Caballero e Carlos Mouriño a causa do estadio de Balaídos e a cidade deportiva. A cidade deportiva iniciouse en Mos o pasado ano tras moitas cavilacións e o estadio segue a ser unha incógnita tras as ameazas de Mourinho ó alcalde vigués, e non semella ter unha solución sinxela polo de agora.

É precisamente o presidente co resto da xunta directiva quen decide a contratación dos adestradores, responsables do equipo a nivel de xogo, e aquí pese á melloría en posicións, víase vir un empeoramento do xogo que acadara nesa temporada o máximo esplendor. Xa dende a temporada final de Berizzo o Celta atopábase fronte ao iceberg, acercouse con Unzué e, nesta temporada, chocou primeiro con Mohamed, despois con Cardoso, e agora a ver se Escribá consegue reverter a situación.

O nivel de adestradores acompaña en xogo e resultados ao equipo, pois esta temporada e a anterior foron desastrosas a nivel de xogo colectivo, só podendo contar con Aspas como único valedor do xogo celeste. A nivel resultados tamén se deu un baixón impresionante.

En conclusión, O Celta necesitaría un milagre parecido á salvación do 2% de fai uns anos fronte a Real Sociedade, e que nestes dez partidos Escribá consiga que a Rianxeira volva soar con forza no estadio.

Desde tempos que nin a xente recorda, diferentes enfermidades actuaron e mataron a millóns de persoas no planeta. Apareceron as chamadas pandemias, unhas enfermidades que afectaban a nivel mundial deixando un rastro de vítimas mortais moi superior a calquera outra como como a Peste negra. Todas elas son temidas polo gran impacto que implican xa que, para ben ou para mal, son manipuladas polos humanos e no peor dos casos usaranse na chamada guerra biolóxica que se producirá en forma de 3ª guerra mundial.

Os gamers, son un fenómeno que foi gañando cada vez máis importancia ao longo destes últimos anos, sendo as principais plataformas utilizadas para retransmitir en directo streamings YouTube e Twitch.

Dentro destas dúas plataformas, os gamers adoitan optar por Twitch, pois esta está máis enfocada cara o ámbito gaming e nela as ganancias proveñen dos propios subscritores en vez de empresas publicitarias como en Youtube, o cal pode ocasionar problemas coa monetización de ditos streamings. Ademais Twitch, propiedade de Amazon, é a máis popular e conta con máis de 100 millóns de usuarios que ven contido cada mes. Nela os usuarios poden seguir a outros e emitir os seus propios directos, ademais de ver retransmisións de competicións e Sports. Todos os vídeos quedan almacenados na plataforma, así os usuarios poden repasar as mellores xogadas ou rememorar os mellores momentos dos directos no apartado de Clips.

Segundo os datos compilados por TEO Analytics e publicados no portal E-sports Observer, os novos streamers máis seguidos acumularon ata 730,82 millóns de horas visualizadas. Esta lista de streamers máis seguidos está encabezada por Ninja, quen conta con 232.002.134 millóns de horas visualizadas; seguido por Shroud, cuxos directos dende 2018 sumaron 101.278.823 horas e Sodapoppin, con 54.951.301 horas vistas en 2018.

Cando alguén ten poder para tomar decisións nun grupo, dise que “leva os pantalóns”. Isto asóciase directamente ca figura masculina, que sempre levou esta prenda, deixando na sombra a todas as mulleres que ao longo da historia usaron vestidos e saias e non puideron gozar dos mesmos dereitos que o home. A vestimenta, o traballo e as parellas heterosexuais son hoxe en día ámbitos nos que o machismo e o conservadorismo destacan.

A crenza na inferioridade da muller leva da man a necesidade do uso de maquillaxe, tacóns, vestidos… Todo aquilo que os homes aparentemente “non precisan” para lucir ben. Non existe ningunha razón biolóxica que explique que a muller deba ser un obxecto de beleza nin ningunha razón pola cal debe “sufrir para lucir”. É por iso que en actos importantes nos que se lle esixe ao colectivo feminino vestirse dunha determinada maneira, o porqué só se basea en ideas machistas e conservadoras.