Imaxe de cabeceira
Todos os artigos de 'OscarIglesR'.

 

mafaldamordaza

A semana pasada fun facer o exame correspondente ó nivel de B1 en inglés ó Centro Británico de Santiago.

Todo ía ben, a pesar de que o galego estaba ausente no centro e só o falabamos tres ou catro persoas, por outra parte nada estraño neses lares, ata que ó porme a facer un dos exames no ordenador tiven que especificar cal era a miña primeira lingua (“choose your first language”, poñía). Despracei o rato pola lista de linguas que aparecían na pantalla: Catalá, Spanish, Zulú… e nada, o galego non estaba entre elas. Levantei a man preguntando onde estaba o galego. Un profesor indicoume que tiña que premer na opción “another language” e seguidamente escribir “Galician”.

Nisto se converteu o galego? Nunha “another language” dentro de Galiza? Noutra linguacalquera dentro do seu país? Tan insignificante que nin sequera aparece nun listado de idiomas? Tan minusvalorada que hai que buscala para atopala?

Como ben dixo Rosalía: “a lingua galega é estranxeira na súa patria”.

O pasado mércores 20 de abril, o poeta Carlos Ngero visitou o noso instituto, o IES Félix Muriel.

IMG_20160420_094828Primerio, deu unha charla en 3º de ESO na cal lles falou dunha das súas últimas obras: “Penúltimas tendencias” que eses alumnos xa leran no trimestre pasado. Despois, veu a dar outra á nosa clase, en 2º de Bacharelato. Nesta, falounos da poesía e buscou desmitificar os prexuízos que hai ó redor dela. Amosounos, mediante a lectura de varios poemas,  que estes non só trataban sobre o amor romántico e temas alleos a nós, senón que a lírica pode falar de calquera cousa: ó contrario do que moitos pensan, poden tratar temas cotiáns, críticas sociais, etc…

Resistencia dos cidadáns de LeningradoUn animal chamado néboa, de Ledicia Costas, é unha novela histórica, composta por varios relatos, os cales están relacionados entre si dunha forma: todos acontecen no contexto da Segunda Guerra Mundial.

Estes relatos son narrados en terceira persoa, pero dunha forma tan maxistral e detallada,  que te  fai somerxer de cheo na lectura. O título pode encaixar ben dende un principio, pois esa sensación brumosa e de tenebrosidade vai acorde á situación histórica na que nos encontramos, xa que estas narración cóntannos sempre o vivido polas distintas víctimas daquela catástrofe, mais, o nome do libro colle maior sentido cando nos atopamos co relato que comparte título coa novela; nel, a néboa que hai nos campos de concentración de Mauthausen penetra friamente como un animal nocturno nos pulmóns das reclusas, aumentando o sufrimento  delas ante o feito de estar naquel lugar, do que , moi probablemente, non sairían con vida.

pegatina_PRianxo sempre foi unha vila bastante normalizada, máis na última década sobre todo, estase dando un gran incremento dos nenos e nenas ós que lles inculcan o castelán como primeira lingua dende que nacen.

Agora, cando saímos pasear polas rúas ou polos parques, é moito máis doado escoitar meniñ@s falando castelán ou nais e pais e avós e avoas que, aínda que entre eles falan o galego, fálanlles en castelán aos cativos. Ademais, como amosan os datos do IGE, a lingua galega deixou de ser xa a maioritaria no noso territorio, aumentando na súa contra os monolingües en castelán e os bilingües, que se poden traducir como diglósicos. Isto créanos unha gran dúbida: que está acontecendo en Galiza? Coas medidas normalizadoras propostas polas distintas institucións do noso país, este feito debería de ser á inversa, entón, por que non é así?

Dende o comezo do reinado dos Reis Católicos en Castela, os gobernantes casteláns buscaron todos os argumentos posibles para desprestixiar a Galiza, incluso chegaron a cambiar e mentir na historia e a dicir que o galego era unha lingua filla do castelán para conseguir ese propósito. Ata hai relativamente moi pouco tempo, a moita xente ocultóuselle a […]

Unha parte do alumnado de 2º de Bacharelato B comezamos cun blogue hai unhas semanas, pois decatGalego sen bozas!ámonos de que a nosa lingua, o galego, está chea de interferencias lingüísticas, sobre todo castelanismos. Así, naceu o noso proxecto: Galego Sen Bozas!

Por Óscar Iglesias Resúa 1ºBach B Na actualidade hai unha gran pregunta no aire referida ao futuro da nosa lingua, o galego. Dende moitos séculos atrás, o galego sempre (ou a maior parte das veces) estivo ameazado pola xente poderosa do territorio de España: primeiro os Reis Católicos, na Idade Media, atacaron a nosa lingua […]

7 Artigos
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.