O venres, 30 de setembro, tivo lugar a entrega dos certificados B1 de Lingua Portuguesa. O alumnado de Lingua portuguesa que se presentou ás probas de certificación do Instituto Camões acadou o nivel B1 e o pasado venres, a Coordinadora do Instituto Camões en España e a responsable do Camões en Vigo asistiron á entrega dos títulos.
No acto, á parte do alumnado de Lingua portuguesa, e as representantes do Instituto Camões participaron a alumna Celia Arcos, o director do IES Félix Muriel, a Coordinadora do Camões, Filipa Soares, a responsable do CCP Camões de Vigo e a profesora do Camões no IES Félix Muriel, Anaisa Esteves.
Ao longo do acto, destacouse a importancia da aprendizaxe da lingua portuguesa tanto pola relación existente entre a lingua galega e portuguesa, como polas portas que abre de cara ao mundo a aprendizaxe dunha lingua falada por millóns de persoas en todo o mundo e oficial en países de Europa, América e África.
Cómpre felicitar a todo o alumnado que se presentou ás probas xa que acadaron o nivel B1 en todas as competencias, grazas ao seu esforzo e traballo e á implicación do profesorado de lingua portuguesa. Estes resultados animan a continuar neste camiño co fin de que o noso alumnado remate a ESO e/ou o Bacharelato co certificado B1 en portugués, o cal está recoñecido a nivel internacional.
Parabéns a todas as alumnos e alumnos.
O documental “Monte vivo” non deixa de nos dar alegrías, unha vez máis é galardoado nun certame de vídeo, neste caso a peza audiovisual vén de recibir o primeiro premio da sección Documental, na categoría 2º ciclo de ESO no eMove Festival (Festival Escolar y Universitario de las Artes Audiovisuales).
Esta actividade foi levada a cabo dentro do proxecto Monte vivo por alumnado de 4º de ESO e coordinado pola profesora Sofía Rama.
MONTE VIVO from ABA FILMS on Vimeo.
-
Zaire Vidal e Sonia Muñiz co doutor Martín Vidal.
O persoal de sanidade é unha parte fundamental da sociedade, como quedou demostrado nesta pandemia. Hoxe imos coñecer a Martín Vidal, un médico pobrense, que destacou nos seus estudos e actualmente traballa como internista nun centro hospitalario da Coruña.
Descubrir quen se agocha detrás dunha canle de Youtube non é nada sinxelo, por iso quixemos ter a oportunidade de coñecer máis de cerca a unha moza que ademais de ser rianxeira está inmersa na creación de contido na súa canle, Galiza en pé.
Vídeos na canle Galiza en pé.
Hoxe nas Xornalistas do Muriel, Claudia Gómez e Sara Tubío entrevistamos a Adriana Romero.
Foto: Noelia Fernández (no centro) coas entrevistadoras, Claudia Gómez (esquerda) e Sara Tubío (dereita).
A xuventude rianxeira ven pisando forte, unha mostra disto son os galardóns que recentemente gañou unha alumna do Félix Muriel. Por unha banda poñendo voz a Rosalía e por outra cun dos seus relatos curtos. Para os que aínda non a coñecedes, hoxe entevistamos a Noelia Fernández.
Noelia Fernández (terceira pola dereita) xusto ao resto de alumnado galardoado no IES Eusebio da Garda da Coruña.
“Este centro é o que é hoxe polo equipo de normalización”. Sofía Rama.
Parabéns a Noelia Fernández quen esta fin de semana gañou o VI Certame. Concurso de recitado poético “Rosalía sempre viva”, polo seu recitado do poema “Silencio”.
¡Silencio!
as niebras nos meus ollos condensadas,
con un mundo de dudas nos sentidos
i un mundo de tormentos nas entrañas,
sentindo cómo loitan
en sin igual batalla
inmortales deseios que atormentan
e rencores que matan,
mollo na propia sangre a dura pruma
rompendo a vena hinchada,
i escribo…, escribo…, ¿para qué? ¡Volvede
ó máis fondo da ialma,
tempestosas imaxes!
¡Ide a morar cas mortas relembranzas!
¡Que a man tembrosa no papel só escriba
palabras, e palabras, e palabras!
Da idea a forma inmaculada e pura
¿dónde quedóu velada?
A seguir, podedes ver o seu magnífico recitado.