Imaxe de cabeceira
Todos os artigos de 'ENL'.

Xa temos entre nós o premio da sección Documental, na categoría 2º ciclo de ESO no eMove Festival (Festival Escolar y Universitario de las Artes Audiovisuales).

Esta actividade foi levada a cabo dentro do proxecto Monte vivo por alumnado de 4º de ESO e coordinado pola profesora Sofía Rama.

Emove documental

Captura de Pantalla 2022-11-14 a las 1.39.26

Os alumnos, vítimas ou verdugos?

DANI VIDAL (1º de bacharelato)

O pasado 2 de outubro abríanse todos os informativos e todas as portadas dos xornais falaban do escándalo do colexio maior Elías Ahuja. Este alboroto xurdiu pola difusión dun vídeo onde se ve que no edificio onde residen os alumnos se empezan a escoitar gritos machistas dirixidos ás compañeiras do outro edificio, xa que están organizados por sexos. O que non se viu en ningún medio de comunicación é como as compañeiras lles respondían con berros discriminatorios.

Para empezar falaremos da repercusión que tivo a nivel político. O presidente do goberno, Pedro Sánchez, tachou esta clase de comportamentos, xa que xeran odio e atentan contra o dereito e a liberdade das mulleres. A ministra de igualdade, Irene Montero, explicou que isto ten que ver en gran medida coa cultura da violación, considerando os feitos terror sexual. Respondeu tamén que a intimidación é o medio para que as mulleres non teñan marxe para decidir e que isto se trata con educación sexual. Porén, cando unha persoa lle preguntou pola segunda parte do vídeo, onde as mulleres lles responden, ela evita as preguntas e intenta irse o máis rápido posible, esquivando o tema.

Se seguimos analizando, isto nunca se faría tan visible de non ser polas redes sociais. Esta información volveuse viral tras saír en TikTok, o medio por onde foi compartido por primeira vez. Se nos paramos a pensar e intentamos trasladar esta noticia ao pasado, antes esta noticia non faría saltar as alarmas, pero ao mesmo tempo esta noticia non se coñecería directamente xa que non existían estas redes sociais. Ao mesmo tempo que vemos como cambiou o mundo e os medios de comunicación, podemos ver como os informativos nos manipulan. O vídeo que mostraron en todos os medios de comunicación estaba recortado, impedindo mirar o final e que a gran maioría dos españois escoitaran a resposta das alumnas. Isto leva a pensar na fiabilidade que os informativos teñen. Se nos enganan con isto, por que non nos enganan con todo, chegando a reflexionar sobre a fiabilidade das noticias? A min paréceme que as redes sociais son a forma máis útil, rápida e eficaz de buscar a información, xa que só temos que mirar se a fonte conta con certo prestixio.

O venres, 30 de setembro, tivo lugar a entrega dos certificados B1 de Lingua Portuguesa. O alumnado de Lingua portuguesa que se presentou ás probas de certificación do Instituto Camões acadou o nivel B1 e o pasado venres, a Coordinadora do Instituto Camões en España e a responsable do Camões en Vigo asistiron á entrega dos títulos.

No acto, á parte do alumnado de Lingua portuguesa, e as representantes do Instituto Camões participaron a alumna Celia Arcos, o director do IES Félix Muriel, a Coordinadora do Camões, Filipa Soares, a responsable do CCP Camões de Vigo e a profesora do Camões no IES Félix Muriel, Anaisa Esteves.

Ao longo do acto, destacouse a importancia da aprendizaxe da lingua portuguesa tanto pola relación existente entre a lingua galega e portuguesa, como polas portas que abre de cara ao mundo a aprendizaxe dunha lingua falada por millóns de persoas en todo o mundo e oficial en países de Europa, América e África.

Cómpre felicitar a todo o alumnado que se presentou ás probas xa que acadaron o nivel B1 en todas as competencias, grazas ao seu esforzo e traballo e á implicación do profesorado de lingua portuguesa. Estes resultados animan a continuar neste camiño co fin de que o noso alumnado remate a ESO e/ou o Bacharelato co certificado B1 en portugués, o cal está recoñecido a nivel internacional.

Parabéns a todas as alumnos e alumnos.

O documental “Monte vivo” non deixa de nos dar alegrías, unha vez máis é galardoado nun certame de vídeo, neste caso a peza audiovisual vén de recibir o primeiro premio da sección Documental, na categoría 2º ciclo de ESO no eMove Festival (Festival Escolar y Universitario de las Artes Audiovisuales).

Esta actividade foi levada a cabo dentro do proxecto Monte vivo por alumnado de 4º de ESO e coordinado pola profesora Sofía Rama.

MONTE VIVO from ABA FILMS on Vimeo.

Zaire Vidal e Sonia Muñiz co doutor Martín Vidal.

Zaire Vidal e Sonia Muñiz co doutor Martín Vidal.

O persoal de sanidade é unha parte fundamental da sociedade, como quedou demostrado nesta pandemia. Hoxe imos coñecer a Martín Vidal, un médico pobrense, que destacou nos seus estudos e actualmente traballa como internista nun centro hospitalario da Coruña.

Descubrir quen se agocha detrás dunha canle de Youtube non é nada sinxelo, por iso quixemos ter a oportunidade de coñecer máis de cerca a unha moza que ademais de ser rianxeira está inmersa na creación de contido na súa canle, Galiza en pé.

Captura de Pantalla 2022-04-30 a las 12.56.37

Vídeos na canle Galiza en pé.

Hoxe nas Xornalistas do Muriel, Claudia Gómez e Sara Tubío entrevistamos a Adriana Romero.

16 Artigos | 1  | 2  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.