Imaxe de cabeceira
Todos os artigos de 'Administrador'.

Un ano máis abrimos as portas do noso seminario, acendemos os ordenadores, collemos papel e lapis e comezamos a actividade no Equipo de Normalización Lingüística do noso I.E.S. rianxeiro.

Despois dun verán relaxante para os que aprobamos todo e, á vez, cheo de strés para aqueles que suspenderon e son víctimas da Gripe A, da crise e da resaca da Guadalupe, aquí volvemos con máis ganas que nunca de preparar artigos, entrevistas, proxectos…, rematar traballos comezados o ano pasado e elaborar campañas como a do Día das Letras Galegas, dedicado este ano a Uxío Novoneyra.

Co inicio dun novo curso, despois dunhas xornadas de adaptación, é o momento para volver a estar con todos desde a sección: NO MEU MAR NA MIÑA LINGUA.

Comezamos cunha boa nova. Pois a tecnoloxía é o alicerce dun proxecto do Museo do Mar, para recuperar o noso patrimonio marítimo.

O proxecto consiste en dixitalizar as embarcacións tradicionais galegas en tres dimensións, estamos ante unha actuación pioneira en España, con obxectivos moi ambiciosos e favorables para o mellor coñecemento da nosa rica historia mariñeira.

O futuro Arquivo Virtual de Embarcacións Tradicionais (AVET), pretende entre outros os seguintes obxectivos.

Catalogación das embarcacións tradicionais, a gran maioría no esquecemento.
Achegar documentación sobre estas xoias do noso litoral.
Realizar un traballo de divulgación.

Unha dorna polbeira e unha gamela de Cabo de Cruz, son as dúas primeiras embarcacións obxecto do estudo. Desde a nosa sección imos seguir con entusiasmo este proxecto e os seus ambiciosos resultados. Para todos aqueles que desexen unha información máis completa, poden visitar a páxina www.avet.com

Coma tódolos anos, no ENDL do IES Félix Muriel temos un programa moi amplo. Deixámosvos un guión con algunhas das actividades principias que temos na programación deste curso do ENDL para que vos animedes a participar. Recordade vir anotarvos polo local do ENDL.

 

REVISTA E BLOG

  •  

    Constante Gil Rodríguez naceu en Taragoña ( Rianxo), o 26 de Marzo do 1926. Formouse como pintor no Estudo de Felipe Brea Romero e en 1948 trasladouse a Valencia, onde ingresou na Escola de Belas Artes de San Carlos.

     

    No 1956 fíxose cargo de Antiga Cervexería Madrid, creada no 1900, como hostaleiro e propietario alí creou en 1959 << Auga de Valencia>>, un combinado a base de cava, zume de laranxa, vodka e xenebra. Utilizou a  Cervexería Madrid durante moitos anos como o seu propio museo, no tempo que  promoveu nela diversas tertulias literarias e artísticas.

     

    En 1996 no Centro Europeo das Artes de París seleccionou tres das súas obras e expuxo no centro de cultura de Toulouse (Francia), no salón Ville d,Agen (tamén no país galo), en A Casa de O Coxo(A Coruña) e no Museo de Rianxo.

     

    As súas obras encóntranse nos museos e coleccións privadas de Gran Bretaña, Italia, Francia, Alemaña, Suíza, EE.UU, México, Noruega, Canadá, Australia, Xapón, Arxentina, Polonia e Rusia.

    O luns 25 de maio realizamos un intercambio cultural  ó I.E.S SANTIAGO BASANTA SILVA(VILALBA).
    Saímos as 8.30 do noso instituto, e as 10.30 recibíronnos no salón de actos cunha pequena actuación musical acompañada de diapositivas. Logo fixemos unha pequena visita á biblioteca do centro onde fixeran unha exposición en homenaxe á Terra Chá. Alí un dos profesores foinos explicando en que consistía todo e facendo un resumo da exposición. Por  último vimos unhas táboas pintadas por un pintor de Vilalba, e tivemos a sorte de que nos agasallaran con unha para o noso centro.Sobre as 12 tomamos un aperitivo que nos tiñan preparado na cafetería do centro: tortilla,empanada,un doce e un queixo"San Luís" tipicos de alí.
    Visitamos o centro histórico de Vilalba: a igrexa, a Torre dos Andrade… vimos como era por dentro o parador etc. A min persoalmente gustoume moito xa que o parador estaba todo decorado como a época medieval.
    Logo fomos ó Carballo de Luxís onde sacamos algunhas fotos e léronse algún poemas en homenaxe á poesía chairega no centenario de Aquilino Iglesia Alvariño, e tamén vimos o río Miño.
    Máis tarde, sobre as 3 da tarde xantamos, aínda que por causa do mal tempo non puidemos ir xantar á Fonte Miña, e tivemos que facelo nun polideportivo. Ó rematar fomos ó Pedregal  de Irimia onde vimos o nacemento do río Miño, visitamos en Castro de Rei o museo e os castros ali descobertos, e aquí rematou a viaxe. Foi moi interesante, e pasámolo moi ben,aínda que entre o frio e a chuvia se facía máis pesada e cansa.
    Dámoslles as grazas ós nosos compañeiros de Vilalba e un saúdo para todos eles.
     

    151 Artigos |   | 1  |   | 5  | 6  | 7  | 8  | 9  | 10  | 11  | 12  | 13  | 14  | 15  |   | 19  | 
*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.