Logo de ver os documentais sobre o uso da nosa lingua no ano 2008, e de recoller datos nos informes do IGE sobre a situación da lingua galega na actualidade e comparándoo co
anterior informe deste Instituto cheguei á conclusión de que non hai futuro para a lingua
galega.
Actualmente, a mocidade galega fala cada vez menos galego, debido a que é posible
desenvolverse social e academicamente e a que temos máis prestixio se falamos o castelán, porque é considerada a “lingua de moda” ou de “cidade”, ca que podemos chegar máis lonxe.
A parte dos prexuízos sobre a lingua, o problema da diminución de falantes ven tamén
porque é posible vivir en Galicia e non utilizar nunca o galego, porque non é necesario para
a vida cotiá. Tamén no caso da mocidade ante o ascenso de falant
es en castelán, resulta
moi difícil manterse falando unha lingua diferente.
Dentro do mundo actual existen moitas linguas diferentes, cada unha delas cunha identidade e cunha cultura e tradicións propias, que son as que fan que exista a diversidade cultural. Se comezan a rexeitar estas linguas, a deixar de falalas e a substituílas por outras acabaremos nun mundo onde se fale unha única lingua, un mundo no que non haxa diferencias culturais, no que non haxa diferentes interpretacións da realidade. E isto está sucedendo co galego, se deixamos de falar o galego en Galicia, perderemos a nosa cultura, o que nos fai diferentes.
Por Paula Cambeses e Aldara Muíños
O próximo sábado 15 de novembro celebrarase no Auditorio de Galicia o VIII Certame Galego de Bandas, aberto a bandas de toda Galicia. Despois de moitas horas de ensaios e concertos previos, a Banda Xuvenil da Escola de Música de Rianxo participará na terceira sección. O concurso divídese en tres seccións: terceira sección, ata un máximo de 50 músicos, a segunda de 51 a 70 músicos e primeira de máis de 71 músicos. En cada categoría pode haber un máximo de cinco bandas participantes.
Todas as bandas participantes teñen que tocar un pasodobre (fóra de concurso) , unha obra obrigada e unha obra de libre elección.
Queres aprender a bailar, a tocar a pandeireta, a percusión, a gaita ou o acordeón? Pois xa está aberto o prazo de matrícula para inscribirse en Vai de Roda! Hai diferentes grupos organizados por idade e nivel, a partir dos 5 anos. Ademais é un curso moi especial porque celebramos o X aniversario da nosa […]
Aida, Aldara e María O pasado 7 de maio, recibimos no IES ao alumnado de Burela que participa con nós no intercambio. Cando chegaron ensinamoslle o centro e logo subímolos o salón de actos onde lle interpretámos A Rianxeira e Lela, e contámoslle o traballo que realizamos durante os cursos nos que leva activo o […]
realizado por: Aldara Muíños Rodríguez, Cinthia Carou González, María Domínguez Pérez
Dentro do proxecto Comenius no que estamos participando varios alumnos do IES Félix Muriel, organízanse visitas aos diferentes países.
Comezamos coa primeira a Sesimbra, Portugal, neste Entroido. Alí, tres alumnas reunímonos co alumnado turco, alemán e portugués.
O sábado 15 de febreiro veu Sés, unha cantante galega da Coruña, a facer un concerto no auditorio de Rianxo.
O concerto comezou ás nove da noite e desde as oito e media comezou a entrar o público, que encheu o patio de butacas. Cantou cancións do primeiro disco, como “Tempestades de sal” e “Admirando a condición” e mais do segundo, por exemplo “Co xenio destrozado”.
Por fin está listo o noso vídeo de presentación para o Comenius. Gravámolo no instituto durante a última semana do primeiro trimestre e Xohán, o profesor de Educación plástica e visual encargouse de montalo. En breve teremos o segundo vídeo editado, que conta coa presentación de catro alumnos máis que se apuntaron ao proxecto.
A semana pasada realizamos a votación para escoller o logo do proxecto Comenius deste ano. Cada país presentaba un e despois entre eses escolliamos o mellor.
Debido a un problema técnico non puidemos facelo en videoconferencia, así que gravamos os noso votos nun video e mandámolo aos outros países.
Cando tivemos todos os votos realizamos outro vídeo no que anunciamos o gañador. O logo que gañou foi o de Portugal. Noraboa!! Podédelo ver nestoutro vídeo: