No IES Félix Muriel o 25 de novembro de 2020 por mor do día contra a violencia de xénero levamos adiante unha acción colectiva, organizada polo equipo de normalización lingüística, coa colaboración de alumnado e profesorado, que chamamos As máscaras non calarán o noso berro na que as alumnas e os alumnos do instituto dende as ventás dicían a viva voz os nomes daquelas mulleres vítimas mortais de violencia machista nese ato até a data, convertendo todo o edificio en altofalante reivindicativo, de denuncia desta tara social e manifestación da vontade firme de procurar a xustiza e seguridade para as mulleres mediante unha solidariedade activa.