Nos anos 80, unha das maiores preocupacións dos españois eran as drogas, as cales acabaron con toda unha xeración deixando cifras altísimas de mortalidade, co paso do tempo toda a sociedade deu un paso adiante para superar este gran problema quedando como un dos episodios máis negros da historia de España. Hoxe podemos afirmar que o xogo e as casas de apostas son a cocaína da xeración Z.
Aínda que esta afirmación soe moi forte nun primeiro momento, os datos xa están alarmando do gran problema ao que a nosa sociedade vai ter que enfrontarse nos próximos anos pois o 36 % dos ludópatas empezan a xogar sendo menores. A día de hoxe, as casas de apostas están cheas de xoves que buscan gañar cartos facilmente.
Desde a clase política xa existen reaccións debido a que están concienciados do gran problema que supón que os xoves estean expostos continuamente á xogo, pois desde certos partidos políticos preséntanse iniciativas para a regularización da apertura de casas de apostas e que estas non se convertan nun problema para a sociedade non en moi longo prazo.
Outra das razóns pola que a adicción ao xogo nos adolescentes será un dos maiores problemas na sociedade é á exposición sistemática á que se someten os mozos cada día de anuncios sobre todo na Internet, onde son bombardeados día a día con apostar a través da rede ou mesmo de aproximarse a casas de apostas físicas onde continuar co seu vicio ata converterse nun verdadeiro problema.
Cada vez , son máis os xoves que acaban solicitando a axuda de profesionais pois aquela primeira vez que apostaron converteuse nunha constante á que xa non lle atopan saída. A sociedade española debería aprender do gran problema ao que se enfrontou nos anos 80, antes de que a ludopatía nos xoves se converta nun segundo capítulo dos episodios máis graves da historia de España.
Se queres participar sigue as intruccións da seguinte ligazón... [Abonarse]