(Por Alba e Iria)
Micromachismos nos deportes, que son? Son pequenas diferenzas que a sociedade lles dá a cada xénero inxustamente; por exemplo, alguén sabe algo do fútbol feminino? Nos xornais apenas hai nada. Por que é? Tense a concepción de que coa muller o deporte é máis aburrido. Despois de todo, o fútbol feminino non vende precisamente por isto e non se fai nada por promocionalo ou darlle a atención que debería. Se xa o fútbol lle quita o espazo ós demais deportes…
Pero o problema non é só ese. Non é que exista a categoría feminina pese a non ser popular, é que directamente moitas persoas aínda viven co pensamento antiquísimo de que a muller non é apta para as actividades físicas (ou, polo menos, as que non pertencen á ximnasia rítmica). Un exemplo claro sería na cultura musulmá; hai lugares nos que unha nena non pode facer deporte porque podería perder a virxindade. Noutros, basta con considerala demasiado “débil”.
O primeiro é a crenza de que a muller é sempre máis débil físicamente que o home. Se ben hai claras diferenzas biolóxicas entre ambos sexos, non é unha excusa válida: unha persoa do sexo feminino pode igualar completamente a unha do sexo masculino. Ata hai pouco, considerábase ás mulleres tonificadas (mulleres “fitness”) coma marimachos e falábase mal delas. Agora, dise que están de moda. Será un bo paso a favor das deportistas?
O caso é que unha muller enfronta perfectamente a un home no ámbito deportivo, pois por moi forte que sexa este último, tamén necesita adestramento. Ou non? Non por considerarse máis forte, automaticamente é bo. As mulleres que xogan, por exemplo, ó xa mencionado fútbol, poden ser coma os homes que o xogan. Non por seren mulleres, son menos capaces. Esa é unha das principais excusas á falta de presenza do deporte feminino.
Despois, estará, coma sempre, ese sentimento de que á muller vaille máis a cociña que correr. O típico aspecto machista que, por incrible que parezca, aínda podes encontrar na nosa sociedade. O xénero non define á persoa, non ten absolutamente nada que ver cos seus gustos e preferencias. Por que ía influir? Xa estamos o suficiente avanzados como para esquecer os prexuízos de xénero. Non só os homes, tamén hai mulleres que caen neles. Ou nunca oíches frases coma “ás nenas non lles gusta o fútbol”, “somos mulleres, non sabemos xogar” e similares vindo dunha rapaza? Ata ese punto chegan os micromachismos no deporte.
“Es muller, non vas saber xogar”, “non nos gusta xogar coas nenas”, “non me gusta o fútbol para ti, as nenas teñen que xogar con bonecas”…, frases e frases tan comúns que a veces parecen normais e todo. Son o perfecto reflexo de que aínda non evolucionamos todo o que queremos.
Hai que ter clara unha cousa: que ten que ver ser muller con xogar a algo? Non se pode ser deportista feminina e xogar ben? De onde xurdiu isto? Reiteramos, o xénero non ten nada que ver co deporte.
Non por selo es mala xogando?, ou é que non hai rapaces que non saben xogar? Por que a un neno ó que non lle gusta o fútbol se lle tende a tildar de “afeminado”? Esa é outra, a tendencia a utilizar “nena, femenino” e similares coma despectivo. Cada quen é o que quere ser independientemente do seu xénero!, da súa relixión, da súa etnia… E iso non se pode negar.
Conclusión: non importa se es muller, podes xogar perfectamente. Se se impulsara máis a presenza do deporte feminino, axudaría a este problema a ser solucionado. Pero parece que, polo momento, aínda non o veremos tranquilamente os avances dun equipo feminino de fútbol na televisión tras ver incontables minutos de fútbol masculino.
Se queres participar sigue as intruccións da seguinte ligazón... [Abonarse]