A asociación AMBAR das persoas con diversidade funcional é unha Entidade de ámbito
comarcal, Sen Ánimo de Lucro e declarada de Utilidade Pública. AMBAR conta cun grupo
social de máis de 1.100 persoas e foi fundada no ano 1982 coa razón social de “Asociación
de Minusválidos da Barbanza”, coa finalidade principal da integración e mellora da calidade de vida das Persoas con Diversidade Funcional (discapacidade) de calquera natureza.
- ONDE ESTAMOS?
Centro de recursos da Barbanza:
Lg. San Roque-Frións s/n – 15960 Ribeira (A Coruña) – Teléfonos: 981 87 44 80 / 981 87 54 75 Fax: 981 87 44 80
Coordenadas GPS: 42.554471,-9.
Oficina de atención AMBAR:
Centro Sociocomunitario da Pobra do Caramiñal.
Rúa Castelao, 5. - 15940 Pobra do Caramiñal (A Coruña) Tel/fax: 981 83 29 05
Coordenadas GPS: 42.6033353,-8.9374381
- SERVIZOS QUE PRESTAN:
A Asociación AMBAR das Persoas con Diversidade Funcional é promotora e administradora dos Servizos de Centro de Día e Centro Ocupacional AMBAR, sitos en Ribeira, e que ten como obxectivo de cubrir as necesidades básicas dun importante número de persoas con diversidade funcional intelectual da comarca do Barbanza
-
Centro ocupacional.
O servizo de Centro Ocupacional, funcionando dende o ano 1993 conta actualmente con 45 prazas para persoas con diversidade funcional intelectual en idade laboral. O noso número de rexistro é: E-0089.
O servizo de Centro Ocupacional está acreditado co certificado de calidade ISO 9001, con
número de certificación ES030407, outorgado pola certificadora Bureau Veritas.
-
Centro de día.
No 2009 iniciouse a actividade do servizo de Centro de Día, co fin de aportar os apoios suficientes as persoas con discapacidade intelectual cuxas necesidades asistenciais requiren de maior extensión e intensidade que as posibilitadas polo modelo de centro ocupacional. Dispoñendo así da atención importante e continuada que precisan, nun recurso adecuado.
O servizo de Centro de Día conta actualmente con 20 prazas para persoas con diversidade funcional intelectual con necesidades de apoio extenso ou xeneralizado. O noso número de rexistro é: E-0089/003.
-
OIGO
Oficina para a Igualdade de Oportunidades das Persoas con Diversidade Funcional-OIGO A OIGO traballa para fomentar a igualdade de oportunidades e non discriminación das persoas con diversidade funcional, desenvolvendo as súas accións dende o marco conceptual do Modelo Social da Diversidade Funcional, así como a Convención de Nacións Unidas sobre os Dereitos Humanos das Persoas Con Discapacidade
-
Vivenda con apoio.
A asociación AMBAR ten en funcionamento o proxecto Vivindo na comunidade, onsistente nunha vivenda con capacidade para 5 persoas con diversidade funcional, que serve de ponte á vida autónoma e independente, permitindo a estas persoas adquirir coñecementos e destrezas para a súa inclusión na comunidade e para evitar o seu illamento ou separación desta, posibilitando a utilización dunha variedade de axudas técnicas e un programa habilitador, favorecendo a autonomía persoal necesaria para poder realizar unha vida independente.
-
Servicio de transporte adaptado.
AMBAR dispón de 8 furgonetas, 5 delas adaptadas para o transporte de persoas con mobilidade reducida. Diariamente realizamos o transporte dos usuarios do Centro Ocupacional e de Día ás instalacións de Frións. Ademáis atendemos a demanda de socios e persoas con mobilidade reducida que necesitan cubrir as súas necesidades de transporte dentro da zona xeográfica da comarca da Barbanza.
ALGÚNS DOS SEUS PROGRAMAS.
● Teatro – grupo Artellar.
● Programa operativo de emprego xuvenil.
● Empoderamento para mulleres.
● Programa de vela para todos.
● Programa de respiro familiar.
● Programa de ocio e tempo libre.
● Campaña de difusión da convención.
Se queres participar sigue as intruccións da seguinte ligazón... [Abonarse]