A cidade do Porto e o seu aeroporto internacional, o Saa Carneiro, foron os lugares nos que o alumnado de 2º ESO culminou o proxecto do curso pasado, “A volta ao mundo en 80 linguas”. Por unhas cousas ou por outras, non foi posible que o ano pasado se puidera facer esta saída, mais por fin saíron ao país veciño e alí, ademais de practicar o portugués os estudantes desta lingua, e de recoñecer o galego como vía de comunicación, aprenderon moitas cousas moi interesantes.