Desenvolvemos durante este curso varias actividades  referentes ao mundo da lusofonía. As celebracións máis destacadas, centráronse no aniversario do 25 de abril, o 6 de maio, Día da Lingua Portuguesa cun recital de poemas de escritores e escritoras de tódolos tempos recitados polo alumnado que cursa esta lingua e por profesorado que manifestamente expresa nun acto deste tipo o seu agarimo por esta  lingua tan próxima á  nosa .

Ademais  o venres 9 de xuño, celebramos o Día de Camões, de Portugal e das comunidades lusófonas cun acto conmemorativo no vestíbulo  do edificio principal, onde -diante dun cartaz no que se anunciaba o evento-  se leron poemas do máis coñecido poeta portugués de todos os tempos, Luis de Camões. Precisamente esta data conmemórase porque o 10 de xuño é a data que morreu Camões, mais como este ano era sábado adiantámolo ao venres.