En A qué altura está o ceo?, publicado no mes de marzo por Alvarellos Editora, o físico e comunicador científico Jorge Mira propón unha apaixonante viaxe  no tempo, que comeza na época da Grecia clásica e chega ata os descubrimentos máis recentes sobre o universo.

Un libro no que se plantexa unha das preguntas que se leva formulando o ser humano desde os albores da súa existencia.

Neste libro Mira fai que o lector poda responder a cuestións como por qué vemos o ceo azul ou o Sol amarelo?, como se puido saber a que altura están a Lúa, o Sol e os planetas?, como é posible calcular o lonxe que está unha estrela ou unha galaxia?, cal é a idade do universo?, o seu tamaño?, que quere dicir que o universo se expande e a qué velocidade o fai’, ou si é certo que foi un cura quen primeiro falou do Big Bang’.