Por Abel Troáns Tubío
Nos últimos meses os distintos concellos estanse replanteando quitar os nomes das distintas rúas que fagan referencia á ditadura franquista e cambialas por outros nomes que resulten menos ofensivos para a xente que vive nas devanditas rúas.
Na época franquista, déronse nomes a distintas rúas de España de xente que destacaba polo seu labor no bando dereito durante a Guerra Civil e a posterior Ditadura. Na actualidade, estes nomes están sendo cambiados por outros de autores ilustres pero que non fan referencia a esta época. Hai uns meses que se comezou con esta iniciativa en Madrid grazas ó comezo da lexislatura de Ahora Madrid de Manuela Carmena, a cal quitou neste tempo o nome de 30 rúas.
A primeira referencia suprimida foi en Ferrol onde se quitou a figura do “Caudillo”. Xa máis preto no tempo, foi o goberno do PSOE e de Zapatero o que creou a Lei de Memoria Histórica e con isto decretouse eliminar os restos da ditadura franquista. Máis aquelas comunidades autónomas gobernadas polo partido da dereita interpretaron a lei da súa forma. De aí que o novo goberno do concello de Madrid decidise eliminalas todas.
Non se entende como un país que viviu nunha guerra civil e a ditadura dos golpistas , pode convivir, non só con referencias ó Réxime senón tamén cun patido legal que saiu do Réxime.
Se queres participar sigue as intruccións da seguinte ligazón... [Abonarse]