Por Abel Troáns (2º Bac.)

Veño de ler un artigo ben interesante sobre os distintos significados atribuídos á palabra que nos define.

O termo “galego” é unha palabra tomada como nosa, xa que en principio refírese á lingua de Galiza e aos nados neste terreo. Nembargantes, que pasa se buscamos o significado desta nos distintos dicionarios dos diferentes países? Que quere dicir ser “galego” polo mundo adiante? Sen lugar a dúbida seremos sorprendidos e incluso nalgúns territorios, ofendidos polo despectivos que poden chegar a ser.

En dicionarios como os de Francia e Inglaterra, este termo é non presenta complicación xa que o tratan como a lingua propia de Galiza, territorio preto de Portugal. Choca que sexa o noso país curmán o que teña unha acepción onde nos toma como brutos, ignorantes e groseiros. É paradóxico que un país co que compartiamos lingua ate uns séculos traten ó galego desta forma, polo que podemos deducir, sen chegar a erro, que indirectamente se están a insultar a eles mesmos. Seguindo o mapa lingüístico chegamos a Brasil, onde vai máis alá e nos toma como unha lingua portuguesa mal falada. Este prexuízo expándese por toda Sudamérica. É obvio que falan desde a ignorancia xa que o galego é a lingua propia de Galicia, a cal ten unha cultura da que podemos sentirnos orgullosos debido ós autores que loitaron durante séculos para dignificar esta lingua como os autores do Rexurdimento, as Irmandades da Fala e o grupo Nós. Pero como esperar respecto doutros paises se nin en en España respectan a Galiza, onde nos tachan de incultos? Pero se tan incultos somos os galegos como hai autores da nosa terra que conseguiron chegar tan alto nos seus respectivos campos a nivel nacional con Rosalía que escribiu En Las Orillas Del Sar a parte de ser unha peza fundamental do Rexurdimento, ou Castelao que chegou a ser deputado en Madrid?

Dependendo do país, o galego ten un ou outro significado e nalgúns sitios trátannos de tontos. Obviamente falan dende a ignorancia xa que dende sempre Galiza tivo persoas moi destacadas tanto na literatura, como en política ou incluso no deporte.