Imaxe de cabeceira
O curruncho de artistas
Novo poema de Xesús Costa: Romance de Ébano

creadores - 0005

Segundo poema que publicamos do investigador e poeta, Xesús Costa Rodil, profesor deste centro ata a súa merecida xubilación

Romance de ébano

Nas noites claras de lúa ,

nos días de sol  e sol,

nas chouzas secas, de barro,

nas sabanas do león

soñan roteiros os negros

aos confíns do setentrión.

Saheliano, burquinés ,

angonalo ou da rexión

onde os anhelos se tronzan

da negritude en canción,

onde a sida sega vidas

e a fame causa trebón

nas nais a quen os seus fillos

abandonan ao soplor

ou nas mañáns vagantías

soñando un ceo mellor,

¡malcopados os que sofren

no corpo e no corazón!

¡Acudide, vinde axiña,

xa chegou a embarcación!

Mozas e mozos de ébano

na xuventude e no amor

bulen cara á fantasía

que un negreiro lles contou

sen reparar nos seus vellos

de ollos mortos de aflición

que alí quedan compunxídos

ao ver marchar a súa flor.

¡Infelices, nunca máis

arrincarán súa dor!

Fende as ondas cara ao norte,

o temporal comezou;

abríronse vías de auga,

feneceu toda ilusión.

Rianxo, inverno de dous mil oito.

 

                                                              

 




Só poden engadir comentarios os usuarios autorizados.
Se queres participar sigue as intruccións da seguinte ligazón... [Abonarse]

*
Nesta WEB utilizamos as imaxes con finalidade educativa. Se algunha delas estivera suxeita a dereitos de autor,
rogamos que vos poñades en contacto connosco para retirala de inmediato.