Foi este pasado mércores, 17 de xuño, cando nos botamos á rúa cos cartaces na man para ir explicar pola vila o noso proxecto. Había mercado e Rianxo estaba cheo de xente. En Farmacias, herboristerías, salóns de peiteado, bares, bancos… entramos e contámoslles que no IES estiveramos desenvolvendo un proxecto chamado RianxoFAla. Contámoslles de que ía e falabamos máis en concreto dunha das actividades: a de toponimia.
Despois de contarllo deixabamos un par de cartaces pegados nos locais que tiñan espazo para iso e mais deixabamos adhesivos para que repartisen entre a clientela. Tamén lle deixabamos uns folletos coa toponimia do concello, mais estes non nos chegaron para todo.
Foi unha experiencia moi boa e moi exitosa… Agora a contar as novas visitas que ten a nosa páxina!
Se queres participar sigue as intruccións da seguinte ligazón... [Abonarse]