Ensinas máis do que cres from SNL da USC on Vimeo.

Na acción normalizadora do galego dentro da educación distínguense dous niveis: dunha banda o ensino primario e secundario e da outra as accións desenvolvidas no ámbito universitario. Os máis novos son unha parte fundamental para o uso e extensión dunha lingua xa que conforman o futuro máis próximo.

Vimos de saber que a mocidade de entre 15 e 25 anos que usan sempre o galego caeron nos últimos tempos a un 19%. Cando as novas xeracións se achegan á universidade atópanse cunha realidade que non axuda a gañar falantes, pois o castelán segue a ser a lingua predominante neste ámbito.

Por iso dende o Servizo de normalización lingüística da USC preténdese combater esta realidade coa campaña “Ensinas máis do que cres” dirixida ao profesorado. Preténdese que os docentes mostren actitudes positivas cara o galego pois só o 21% do profesorado imparte as súas clases en galego, media que se tira tendo en conta que nalgunhas facultades -como xornalismo- esta porcentaxe se eleva ao 85%, e noutras -como enfermería ou medicina- tan só chega ao 3%.

Hai constancia de que os universitarios fan os exames na lingua na que os docentes imparten as clases, isto indica que a actitude do docente cara ao galego é moi importante, xa que o alumnado ten tendencia a imitar ao ensinante.

Incluso en facultades nas que o alumnado é nun 50% de fóra de Galicia  como veterinaria é posible o ensino en galego pola proximidade das linguas e supón un enriquecemento para os e as discentes.

Haberá que esperar un tempo para ver se esta campaña posta en marcha pola USC, e que ten como obxetivo que o uso do galego vaia a máis, ten resultados. De feito, de telos, só se verían a medio prazo.