Comezamos o curso 2014-2015 e, coma todos os anos, fixemos unha presentación do ENDL para todo o alumnado de 1º ESO. Explicámoslles quen somos, que facemos e animámolos a participar. E este ano chegaron novas forzas. No vídeo anterior pódese ver un nutrido grupo de rapaces e rapazas de 1º ESO no local do ENDL desenvolvendo os traballos que tivemos en man as pasadas semanas: desde elaborar un cartel para organizar e animar as lecturas do Samaín ou outro que reivindicaba a nosa lingua nos cemiterios, ata a redacción de artigos para o blog sen esquecer a homenaxe que se lle fixo a Castelao polo 70 aniversario de Sempre en Galiza.
Esperemos que sigan colaborando asi durante todo o curso!