A Arca do Barbanza é o punto final ao que chegarán todos os camiñantes que se aventuren a realizar a Ruta das Mámoas, no veciño concello de Boiro, e que percorre nunha experiencia única , diferentes manifestacións arqueolóxicas dos nosos ancestros.
Vestixios que se realizaron ao longo de 3500 anos (dende o Neolítico ata finais do Calcolítico) e que aínda hoxe son visibles.
Durante a camiñata, poderemos observar un grande número de mámoas (que eran contrucións en forma de outeiro con pedras e terra, utilizadas para os enterramentos). A ruta discorre polos Chans do Barbanza, polo que poderemos disfrutar de fermosísimas vistas tanto dos propios montes coma da Ría de Muros e Noia.
Dende a Casota do Párama (primeiro monumento megalítico ao que nos achegamos; e que posúe ademais no seu interior dous gravados), atravesando a Poza da Lagoa (onde nos períodos de chuvia atopamos unha pequena lagoa, dende a que temos unhas vistas privilexiadas de toda a Serra) e o Outeiro Redondo ( unha enorme pedra de granito, que produce un curioso efecto sobre a paisaxe cha e sen vexetación)
Por último, acadaremos o destino da nosa camiñata: A Arca do Barbanza. Considerada unha das maiores manifestacións do megalitismo do noroeste peninsular e que posúe máis de 5000 anos de antigüidade, e que amosa unha estrutura máis complexa que o resto das mámoas pertencentes ao conxunto arqueolóxico.
Trátase xa que logo, dunha camiñata máis que recomendable onde se conxugan os elementos paisaxísticos e arqueolóxicos, para facernos disfrutar da beleza do noso contorno.
Se queres participar sigue as intruccións da seguinte ligazón... [Abonarse]