PENÉLOPE
Un paso adiante e outro atrás, Galiza…
Poema musicado que se pode escoitar no minuto 1:30 deste vídeo
Na Coordinadora de ENDL do Barbanza, da que o noso centro forma parte acordouse que entre todos iamos ilustrar o poema Penélope de Díaz Castro, homenaxeado este ano polas Letras Galegas. Ao noso centro tocoulle ilustrar o título e mais o último verso. Comezamos a actividade… Cando teñamos as mellores ilustracións, xa as mostraremos!
De momento, deixámosvos a letra dun dos poemas máis famosos nos que se denuncia a pasividade que había no noso país, unha Galicia que permanece durmida.
PENÉLOPE
Un paso adiante e outro atrás, Galiza,
e a tea dos teus soños non se move.
A espranza nos teus ollos se espreguiza.
Aran os bois e chove.
Un bruar de navíos moi lonxanos
che estrolla o sono mol coma unha uva.
Pro ti envolveste en sabas de mil anos,
e en sonos volves a escoitar a chuva.
Traguerán os camiños algún día
a xente que levaron. Deus é o mesmo.
Suco vai, suco vén, ¡Xesús María!,
e toda cousa ha de pagar seu desmo.
Desorballando os prados coma sono,
o Tempo vai de Parga a Pastoriza.
Vaise enterrando, suco a suco o Outono.
¡Un paso adiante e outro atrás, Galiza!”
Se queres participar sigue as intruccións da seguinte ligazón... [Abonarse]