Era un lugar ao lado do mar, Santa Marta. Unha vila feliz e cunha grande riqueza. Alí vivía Azucena, unha rapaza loura moi fermosa que estaba namorada de Erick, un estranxeiro de boa familia, alto, louro e moi traballador.
Cada mañá, ao ir polo camiño que ía á leira de Manuel, víanse. Azucena arrubiaba, Erick tremía. O amor estaba claro entre eles, como dúas ruliñas.
Un bo día de maio, Azucena saíu ao mercado a comprar o pan. Decantouse polo pan de millo e foi collelo cando… unha man petou coa súa. Era Erick. Azucena arrubiaba, Erick tremía.
Pola tarde a rapaza foi á praia dar un paseo. Mirando as cunchas na area non viu con quen se espetara, levantou a vista e… Azucena arrubiaba, Erick tremía.
Cun bico chegou o anoitecer e collidos da man, na praia, quedaron a ver a posta de sol. Azucena arrubiaba, Erick tremía.
Rebell Fleur
Se queres participar sigue as intruccións da seguinte ligazón... [Abonarse]