Tronzante, divertido, agudo, enxeñoso… Son algúns dos cualificativos que podemos utilizar para referirnos a este filme, dirixido por Frank Capra (con 3 premios Óscar no seu historial) e protagonizado polo sempre xenial Cary Grant.
O argumento ten todos os ingredientes para gozar do cinema: orixinalidade, tensión, comedia e situacións de todo disparatadas cando a vida cotiá da familia de dúas irmás anciás de Brooklyn, bondadosas e piadosas, se amosa na pantalla. Mortimer (Cary Grant) verase inmerso nas loucuras
familiares tentando poñer unha certa orde nas inxenuas pero perigosas fazañas das súas tías.
Pode que non sexa obxectiva ao tratar esta obra cinematográfica, pois ocupa dende logo un dos lugares de honor da miña lista de filmes imprescindibles, pero quizais unha crítica afagadora na actualidade e a súa ficha técnica sexan argumentos dabondo para celebrar o aniversario especial que merece: rir unha vez máis con ela.
Se queres participar sigue as intruccións da seguinte ligazón... [Abonarse]