O pasado sábado, no Pazo da Cultura de Pontevedra, Gabriela Mendes, Amancio Prada, Vítor Ramil, Luiz Caracol e Budiño estiveron xuntos no escenario para interpretar música lusófona. Nesta gala, Rosalía foi o eixo central, a súa poesía foi interpretada nos moitos sotaques da nosa lingua.

“Remexe moito”, así se sentía Vítor Ramil despois de cantar en galego un poema de Rosalía. As notas xurdían mentres recitaba os versos do poema.

Luiz Caracol interpretou con grande éxito unha Lisboeta mesturada con ritmos angolanos, mozambicanos ou caboverdianos e puxo a música Mía Couto. Luiz destacou o importante que era para a difusión da música lusófona este festival.