Esta noticia, que aparece publicada en “La Voz de Galicia,” fainos reflexionar sobre o rexeite do pobo galego á inxusta sentencia  do Prestige (petroleiro monocasco feito en Xapón , con bandeira das Bahamas que se afundiu en novembro do 2002 preto  de Galicia e provocou un dos maiores catástrofes da historia do noso país).   Neste xuízo  todo o mundo resultou absolto e non fixeron a ninguén responsable  do terrible desastre ecolóxico que sacudiu Galicia fai agora 10 anos e que conmocionou a toda España. Ninguén pagará  por tanto mal que se fixo á costa Galega, unha das máis fermosas da terra, e que aínda que o mar é moi rico  e pouca a pouco vai recuperando, tardará moitos anos en volver a estar como antes da catástrofe.

Por outro lado sabemos que as costas galegas son zona de paso de centos de barcos durante todo o ano, ó non haber responsables  e sen que ninguén pague ningún tipo de  indemnización, dálle vía libre a armadores sen escrúpulos que compran petroleiros moi vellos, auténticas chatarras andantes e logo paséanas por diante das nosas  costas, sen ter en conta o grave perigo que isto ten.

Por desgraza o caso do Prestige non foi un caso illado xa que  antes do prestige, outros barcos como o petroleiro noruego  Polycommander  que se afundiu nas Illas Cies,  o petroleiro Urquiola que no 1976 chocou contra uns baixos na entrada do porto da Coruña, afundíndose posteriormente e causando un  gran desastre ecolóxico  que  aniquilou a vida na ría da Coruña durante moitos anos , en 1992  cando a ría de  A Coruña empezaba a recuperarse   outro petroleiro, en este caso grego, “O Mar Egeo” afundiuse, etc.

A lista de desastres naturais provocados por afundimentos de barcos no noso mar é moi extensa, mais esperemos que as autoridades do noso país recapaciten e  apoiados pola comunidade internacional fagan leis que na medida do posible minoren o risco que supón para as nosas costas o incesante paso de barcos, moitos de deles petroleiros, e desta forma conseguir que desastres como os do  Polycommander , Urquiola, Mar Egeo ou Prestige non se repitan.

Ver noticia